اقش پرەزيدەنتٸ دجو بايدەن جۋرناليستەرگە اۋعانستاننان امەريكا ەسكەرٸن ەكەتۋ تۋرالى شەشٸم قابىلداعانىنا ٶكٸنبەيتٸنٸن ايتتى.
– 20 جىلدا اقش ەسكەرٸن شىعارىپ ەكەتەتٸندەي باسقا ىڭعايلى سەت بولعان جوق. اۋعانستاندا سوعىسۋعا مەجبٷر بولعان اقش-تىڭ تٶرتٸنشٸ پرەزيدەنتٸمٸن. مەن وسىنى بەسٸنشٸ پرەزيدەنتتٸڭ موينىنا ٸلٸپ كەتكٸم كەلمەيدٸ, – دەدٸ ول.
دجو بايدەن "تاليبان" قوزعالىسىنىڭ شابۋىلى اقش پرەزيدەنتٸ ەكٸمشٸلٸگٸ بولجاعاننان ەلدەقايدا جىلدام بولعانىن مويىندادى. ونىڭ سٶزٸنشە, "اقش تەلٸپتەرگە قارسى تۇرۋ ٷشٸن اۋعان ٷكٸمەتٸنٸڭ قارۋلى كٷشتەرٸنە قولىنان كەلگەنشە كٶمەكتەستٸ. اقش-تىڭ اۋعانستانداعى ەسكەري ميسسيياسىنىڭ قۇنى 1 تريلليون دوللارعا تٷستٸ. اۋعان سولداتتارى تەحنيكا مەن قارۋ-جاراق الدى, كيٸندٸ, دەر كەزٸندە جالاقى الىپ تۇردى".
پرەزيدەنتتٸڭ تەلەٷندەۋٸن تالقىلاعان جۋرناليستەر بايدەننٸڭ "اۋعاندار ٶزدەرٸ ٷشٸن ٶزدەرٸ قارۋ العىسى كەلمەسە, ونداي جەردە امەريكا ەسكەرٸ سوعىسپايدى, سوعىسۋعا مٸندەتتٸ ەمەس" دەپ "مٷمكٸندٸكتٸ پايدالانا الماعاندارعا" قاراتا ايتقان سٶزٸن اتاپ ٶتتٸ.
اۋعانستان بيلٸگٸن "تاليبان" قوزعالىسى العالى بەرٸ بٸرٸنشٸ رەت جۇرت الدىنا شىعىپ سٶيلەگەن پرەزيدەنت بايدەن "اقش-تىڭ اۋعانستانداعى ۇلتتىق مٷددەسٸ – اقش اۋماعىنا جاسالاتىن تەررورعا جول بەرمەۋ بولدى" دەپ سانايدى.
اۋعانستاننان اقش ەسكەرٸ شىعارىلا باستاعاندا-اق بەلسەندٸ ەرەكەتكە كٶشكەن "تاليبان" قوزعالىسى كەيٸنگٸ اپتادا مەيلٸنشە شاپشاڭ قيمىلداپ, بۇرىن اۋعان ٷكٸمەتٸنٸڭ قاراۋىندا بولىپ كەلگەن ٸرٸ قالالاردى باسىپ العان. كابۋلدى سوعىسسىز باعىندىرعان.
اۋعانستان پرەزيدەنتٸ اشراف عاني ەل اۋماعىنان شىعىپ كەتكەن.
كەيٸنگٸ كٷندەرٸ كابۋل قالاسىنىڭ ەۋەجايىنا مىڭداعان ادام كەلٸپ, شەتەل ازاماتتارىن ەۆاكۋاتسييالاۋ ٷشٸن قونعان ۇشاقتارعا ۇمتىلعان. ەلۋدەن استام ەل "تاليبان" قوزعالىسىنا ٷندەۋ جاساپ, اۋعانستاننان كەتكٸسٸ كەلەتٸندەردٸڭ بەرٸنە مٷمكٸندٸك بەرۋگە شاقىرعان.
