قازاق ەيەلدەرٸنٸڭ وتباسىلىق جانجالدىڭ جيٸ قۇربانى بولاتىنىنا بەلگٸلٸ پروديۋسەر بايان ەسەنتاەۆانىڭ جاعدايى دەلەل. بۇل تۋرالى aktobenews.kz جازادى.
اقتٶبەدەگٸ ٷكٸمەتتٸك ەمەس ۇيىمدار اسسوتسياتسيياسىنىڭ تٶراعاسى ايگٷل دٷيسەنوۆانىڭ ايتۋىنشا, تۇرمىستا زورلىق-زومبىلىق كٶرگەن ەيەلگە پسيحولوگييالىق قولداۋ دا, پروبلەماسىن زاڭ جٷزٸندە قالاي شەشۋگە بولاتىنى تۋرالى كەڭەس تە بەرٸلۋ كەرەك.
— وتباسىندا زەبٸر كٶرگەن ەر ەيەلگە تىعىرىقتان شىعۋدىڭ جولى بارىن, قوعامنىڭ كٶزقاراسىنان قورىقپاي, زاڭ شەڭبەرٸندە مەسەلەسٸن شەشۋگە تالپىنۋ كەرەكتٸگٸن ماماندار تٷسٸندٸرۋ كەرەك. وتباسى — مەملەكەتتٸڭ بٸر بٶلشەگٸ. مەملەكەتتٸڭ ٸرگەسٸ بەرٸك بولۋى ٷشٸن ەلدە وتباسىلىق ينستيتۋت قاعيداسىن جەتٸلدٸرۋٸمٸز, دەرٸپتەۋٸمٸز كەرەك, — دەيدٸ ايگٷل دٷيسەنوۆا.
جالپى قوعامدا ەيەلدەردٸڭ زورلىق-زومبىلىقتان جاپا شەگۋٸ, ونىڭ ٸشٸندە ٶز ٷيٸندە وتاعاسىنان, جٸگٸت بولعان بالاسىنان تاياق جەۋٸ— ادام قۇقىعىن اياق استى ەتۋدٸڭ ەڭ كٶپ تاراعان تٷرٸ.
— بۇل بٸر جاعىنان تٷسٸنٸكتٸ دە. سەبەبٸ بٸزدٸڭ قوعامنىڭ قالىپتاسقان مەنتاليتەتٸ وتباسىن سىرتتان ەشكٸمنٸڭ ارالاسۋىنا جول بەرمەيتٸن «جابىق ۇيىم» رەتٸندە قابىلدايدى. سانامىزعا وسىلاي سٸڭٸپ كەتكەندٸكتەن, «وتباسىنداعى ارازدىقتى وتباسى مٷشەلەرٸ ٶزارا شەشۋٸ تيٸس» دەپ كٶپ جاعدايدا قۇقىق قورعاۋ ورگاندارى دا, جاقىن تۋىسقاندارى دا ارالاسۋعا, اراشا تٷسۋگە قۇلىقتى بولمايدى. — دەيدٸ وبلىستىق ٸشكٸ ٸستەر دەپارتامەنتٸنٸڭ زورلىق-زومبىلىقتان قورعاۋ توبىنىڭ ينسپەكتورى مارينا نۇرىمجانوۆا.
ەيەلدٸ نەمەسە بالانى ٶز پروبلەماسىمەن جالعىز قالدىرۋ دەنٸ ساۋ قوعامنىڭ ٸسٸ ەمەس, مەملەكەتتٸك ورگانداردىڭ, كٶرشٸ-كٶلەمنٸڭ تاراپىنان قولداۋعا, قورعاۋعا باعىتتالعان ەرەكەتتەر جاسالۋى تيٸس.
— وتباسىنداعى جانجالدىڭ كەسٸرٸنەن بولاتىن قىلمىستاردىڭ جيٸلەپ كەتۋٸنە قوعام الاڭداۋى كەرەك.
ٷنەمٸ جۇدىرىق جۇمسايتىن كٷيەۋٸنە اياۋشىلىق تانىتىپ, ارىزىن كەيٸن قايتارىپ الاتىن ەيەلدەر ٶز ٶمٸرلەرٸن, دەنساۋلىقتارىن ويلاۋعا شاماسى كەلە بەرمەيدٸ. ونداي ەيەلدەر كٶبٸنەسە پسيحولوگييالىق جەنە ماتەريالدىق تۇرعىدا كٷيەۋلەرٸنە تەۋەلدٸ بولىپ كەلەدٸ.
نەگٸزٸنەن ەرٸك-جٸگەرٸ ەلسٸز ەركەكتەر ەيەلدەرٸنە قول كٶتەرەدٸ.
ەيەلٸن ۇراتىن ەركەك ەيەلٸنٸڭ باسقان ٸزٸن اڭديتىن قىزعانشاق, قاتىگەزدٸكتٸ كٶرسەتەتٸن فيلمدەرگە ەۋەس جەنە ٶزٸ بالاعا دا, جان-جانۋارعا دا قاتىگەز, كٶڭٸل-كٷيٸ كەنەتتەن ٶزگەرۋگە بەيٸم بولىپ كەلەدٸ. كٶبٸنەسە ٶز پروبلەماسىنا ٶزگەنٸ كٸنەلٸ سانايدى.
ونداي ەركەكتٸڭ ەيەلٸ بولعان ادامنىڭ ٶمٸرٸ بارا-بارا توزاققا اينالادى. ٷرەي, شەكتەن شىققان ساقتىق, كەز-كەلگەن جاعدايدا ابدىراۋ, ابىرجۋ, قورعانسىزدىق, ٷمٸتسٸزدٸك جەنە شاراسىزدىق, ٷنەمٸ ٶزٸنە تٶنەتٸن قاۋٸپتٸ ويلاپ ۋايىمداۋ, قاراپتان-قاراپ ٶزٸن كٸنەلٸ سەزٸنۋ, ٶزٸنە دەگەن سەنٸمسٸزدٸك, جابىرقاۋ, تورىعۋ سەزٸمدەرٸ
اقىرىندا ەيەلدٸڭ نە ٶز-ٶزٸنە قول جۇمساۋىنا, نە ٸشٸمدٸككە سالىنۋىنا ەكەلٸپ سوعۋى مٷمكٸن.
بۇل جەردە ەربٸر ەيەل قوعامنىڭ كٶزقاراسى ەمەس, ٶز ٶمٸرٸ ٷشٸن ٶزٸنٸڭ جاۋاپكەرشٸلٸگٸ ماڭىزدى ەكەنٸن ۇعىنىپ, جىلداردى ٶتكٸزٸپ الماي شەشٸم قابىلداۋى كەرەك, — دەيدٸ پسيحولوگ ليدا ەسەنعاليەۆا.
ەسكە سالساق, ماۋسىمنىڭ 10-ى كٷنٸ جۇبايى قاتتى سوققىعا جىعىپ, پىشاق جۇمساعاننان كەيٸن بايان ەسەنتاەۆا اۋرۋحاناعا تٷستٸ. وسى وقيعانى سان-ساققا جٷگٸرتكەن جۇرت «جۇلدىزداردىڭ دا باسىنا قاراپايىم ەيەلدٸڭ كٷنٸ تۋادى ەكەن-اۋ» دەپ پايىمدادى. تٸپتٸ, بۇل جاعداي مەملەكەتتٸك حاتشى گٷلشارا ەبدٸحالىقوۆانىڭ دەڭگەيٸندە ايتىلىپ, قازاق قوعامىندا ەيەلدەردٸڭ قۇقى, دەنساۋلىعى جەتكٸلٸكتٸ قورعالمايدى دەگەن پٸكٸر تۋعىزعان بولاتىن.
