تانىمال پروديۋسەر بايان الاگٶزوۆا "قازاقفيلم" كينوستۋديياسىنىڭ عيماراتىن سىنعا الدى. بۇل تۋرالى ول Instagram-پاراقشاسىندا ايتتى, - دەپ حابارلايدى Massaget.kz پورتالى.
"مىنا اۋىر جاعداي تۋرالى بٶلٸسپەي كەتە المايمىن. "قازاقفيلمنٸڭ" ەجەتحاناسى قانداي كٷيدە ەكەنٸن قاراڭىز. مەملەكەت مىنا سۇمدىقتى رەتتەۋگە قانشا قاراجات بٶلدٸ? "قازاقفيلمدە" جٷرگەنٸمە 30 جىل بولدى, ەشتەڭە ٶزگەرگەن جوق. سونداي ۇيات نەرسە. وسى مەسەلەنٸ كٶتەرەتٸن باسشى قاشان پايدا بولادى? 30 جىل بۇرىن فيلمگە تٷستٸم. سول باياعى كٷيٸ. بۇل - بٸزدٸڭ كينويندۋسترييامىزدىڭ, ۇلتتىڭ بەت-بەينەسٸ. ۇرلاۋدى قويىپ, حالىق مٷددەسٸ ٷشٸن جۇمىس ٸستەپ, دامۋدى قاشان ٷيرەنەمٸز?", - دەيدٸ پروديۋسەر.
ايتا كەتەيٸك, "قازاقفيلم" كينوستۋديياسى 1934 جىلى الما-اتا كينوحرونيكا ستۋديياسى رەتٸندە قۇرىلدى, 1936 جىلى العاشقى دەرەكتٸ فيلمدەر شىقتى. 1941 جىلى 15 قاراشادا الما-اتا كينوستۋديياسى قازاقستانعا ەۆاكۋاتسييالانعان "موسفيلم" جەنە "لەنفيلم" كينوستۋدييالارىمەن بٸرٸكتٸرٸلدٸ. ورتالىق بٸرٸككەن كينوستۋدييا - تسوكس, ولار 1944 جىلعا دەيٸن الماتىدا جۇمىس ٸستەدٸ جەنە بٷكٸل وتاندىق كٶركەم فيلمدەردٸڭ 80 پايىزىن ٶندٸردٸ.
1960 جىلى 9 قاڭتاردا كٶركەم فيلمدەر مەن كينوحرونيكالاردىڭ الما-اتا كينوستۋديياسىنان "قازاقفيلم" كينوستۋديياسى بولىپ ٶزگەرتٸلدٸ. 1984 جىلى كينوستۋديياعا ۇلتتىق كينەماتوگرافييانىڭ كٶرنەكتٸ قايراتكەرٸ شەكەن كەنجەتايۇلى ايمانوۆتىڭ ەسٸمٸ بەرٸلگەن بولاتىن.
