باۆارييانىڭ گيۋنتسبۋرگ قالاسىنداعى تەمٸرجول ۆوكزالىنىڭ جانىندا ورنالاسقان بوس عيماراتتا قۋاتتى جارىلىس بولدى. وقيعا سالدارىنان 11 ادام زارداپ شەكتٸ. بۇل تۋرالى RTL تەلەارناسى حابارلادى.
كەيٸنٸرەك زارداپ شەككەندەر جاقىن ماڭدا جۇمىس ٸستەپ جاتقان قۇرىلىسشىلار ەكەنٸ بەلگٸلٸ بولدى.
جارىلىس 100 مەتر راديۋستاعى بٸرنەشە عيماراتتى زاقىمدادى. سونىمەن قاتار 30 ۆاگون مەن تەمٸرجولعا زالال كەلدٸ.
«تەمٸرجول ۆوكزالى جابىلدى, اۋگسبۋرگ پەن ۋلم اراسىنداعى پويىزدار توقتاتىلدى», - دەلٸنگەن تەلەارنا حابارلاماسىندا.
بولجام بويىنشا, تٶتەنشە جاعدايعا گاز باللونىنىڭ دەتوناتسيياسى سەبەپ بولعان.
وقيعا ورنىندا قۇقىق قورعاۋشىلار مەن قۇتقارۋ تٸكۇشاعى جۇمىس ٸستەپ جاتىر.
