Bavariianyń Giýntsbýrg qalasyndaǵy temirjol vokzalynyń janynda ornalasqan bos ǵimaratta qýatty jarylys boldy. Oqiǵa saldarynan 11 adam zardap shekti. Bul týraly RTL telearnasy habarlady.
Keiinirek zardap shekkender jaqyn mańda jumys istep jatqan qurylysshylar ekeni belgili boldy.
Jarylys 100 metr radiýstaǵy birneshe ǵimaratty zaqymdady. Sonymen qatar 30 vagon men temirjolǵa zalal keldi.
«Temirjol vokzaly jabyldy, Aýgsbýrg pen Ýlm arasyndaǵy poiyzdar toqtatyldy», - delingen telearna habarlamasynda.
Boljam boiynsha, tótenshe jaǵdaiǵa gaz ballonynyń detonatsiiasy sebep bolǵan.
Oqiǵa ornynda quqyq qorǵaýshylar men qutqarý tikushaǵy jumys istep jatyr.
