الماتى ەكٸمٸ باۋىرجان بايبەك اتاكەنتكە الىپ تيٸندٸ ورناتۋدىڭ سەبەبٸن تٷسٸندٸرٸپ بەردٸ, دەپ حابارلايدى قازاقپارات تٸلشٸسٸ.
الماتىلىق ۇستازداردىڭ تامىزداعى جيىنىندا سٶز العان ەكٸم الىپ تيٸن تاقىرىبىنا توقتالىپ ٶتتٸ.
«قالا كٶركٸن اجارلاندىرا تٷسكەن سايىن مەدەني ينتەرۆەنتسيياعا جاقىندايمىز. الماتىنىڭ ەر تٷكپٸرٸندە بايقاۋ تٷرٸندە 16 ارتوبەكت قويىلدى. قالا بولاشاعىن ەلەمدٸك دەڭگەيگە كٶتەرۋدە امەريكاندىق كومپانييامەن جۇمىس ٸستەپ جاتىرمىز. بيزنەستٸڭ ەڭ دامىعان تٷرٸ - تۋريزم. دەلٸرەك ايتساق, مەدەني, event-تۋريزم. بۇل ەلٸمٸزگە مول تابىس ەكەلەدٸ. قالا تۋرالى ايتۋ كەرەك, ونى ەلەمگە تانىتۋ كەرەك. دٷنيەجٷزٸندە مەملەكەت كەلبەتٸنە اينالعان 600 قالا بار. قازاقستاننان جالعىز الماتى وسى تٸزٸمگە ەنگەن», - دەدٸ ەكٸم.
ونىڭ ايتۋىنشا, الماتى تۋرالى ەلەمدٸك دەڭگەيدە ايتىلۋ كەرەك. سونىڭ ايقىن دەلەلٸ - تيٸن تٶڭٸرەگٸندە قىزعان پٸكٸرلەر.
«الىپ مٷسٸننٸڭ باعاسىنا كەلەر بولساق, 23 ميلليون تەڭگەنٸڭ 15 ميلليونى عانا قالا بيۋدجەتٸنەن بٶلٸنگەن. ەلەمدٸك ٶلشەمگە سٷيەنسەك, بۇل اسا قىمبات ٶنٸم ەمەس. تيٸندٸ جاساعان اۆتوردىڭ سٶزٸنشە, ونىڭ وسىعان ۇقساس شىعارماسى شانحايداعى «تٷلكٸ» 100 مىڭ دوللارعا تٷسكەن. ونىڭ كٶلەمٸ بٸزدٸڭ تيٸننەن ەكٸ ەسە كٸشكەنتاي. ٶتكەندە بٸر اقپارات وقىدىم, ٷندٸ مٷسٸنشٸسٸ اليش كوپۋردىڭ بولاتتان قۇيىلعان 10 مەترلٸك بۇيىمى ميلليون دوللارعا باعالانعان. مۇنداي مىسالدار ٶتە كٶپ», - دەدٸ ول.
«بٸزدٸڭ وبەكتٸگە جۇمسالعان شىعىن ٶتەلدٸ دەۋگە بولادى. نەگە دەسەڭٸز, تيٸن تۋرالى ەلەمدٸك باق جارىسا جازدى. ونىڭ ٸشٸندە ۆۆس, New Yourk Post, Fox News بار. بۇعان كٶرشٸ رەسەي مەن ٶزٸمٸزدٸڭ ماسس-مەديانىڭ شۋلاعانىن قوسىڭىز. تيٸنگە تٶككەن تيىنعا وسىنشا اقپاراتتىق دٷمپۋ كٶتەرە الماس ەدٸك. ەندٸ ەلگە كەلگەن تۋريستەر بٸرٸنشٸ كەزەكتە تيٸندٸ كٶرۋگە اسىعادى. قازاقستاننىڭ ٶزگە ٶڭٸرلەرٸنەن الماتىعا قىدىرىپ كەلگەن قوناقتار ەندٸ شىمبۇلاق پەن مەدەۋ ٷشٸن ەمەس, اتىشۋلى تيٸن ٷشٸن كەلەدٸ.
قالا باسشىسىنىڭ پايىمداۋىنشا, تيٸن الماتىلىقتاردىڭ جاڭا قۇبىلىستى قابىلداي بٸلۋٸنە, العا جىلجۋىنا ىقپالىن تيگٸزبەك.
«تيٸن - مٶلدٸر سۋ, تازا اۋا, جاسىل جەلەك. مەن - الماتىلىقپىن. بۇرىن مۇندا تيٸن كٶپ بولاتىن. ول تٸرٸ تابيعاتتا عانا ٶمٸر سٷرەدٸ. ناعىز الماتىنىڭ جانۋارى. اۆتوردىڭ نەگٸزگٸ ويى دا وسىندا جاتىر. اتاكەنت كەزٸندە حالىق شارۋاشىلىعى جەتٸستٸگٸنٸڭ كٶرمەسٸ بولعان, جاسىل ايماق, المالى باق ەدٸ. سوڭعى 10 جىلدىقتا ونىڭ جاعدايى نە بولدى? ٷلكەن اۆتوتۇراق پەن بازار ايماعىنا اينالدى. بٸز بۇعان ٷنسٸزدٸك تانىتتىق», - دەدٸ قالا ەكٸمٸ باۋىرجان بايبەك.
