فوتو: اباي وبلىسى ەكٸمدٸگٸنٸڭ باسپاسٶز قىزمەتٸ
باتىس قازاقستان وبلىسىندا ەۆاكۋاتسييالانعان اۋىل تۇرعىندارىن بٷگٸن قايتادان قاۋٸپسٸز اۋماققا شىعارۋعا تۋرا كەلدٸ, دەپ حابارلايدى «ۇلت اقپارات» «موي گورود» پورتالىنا سٸلتەمە جاساپ.
بٸر كٷن بۇرىن باتىس قازاقستان وبلىسى تٶتەنشە جاعدايلار دەپارتامەنتٸ تەرەكتٸ اۋدانىنداعى ۇزىنكٶل سۋ قويماسىنا ەگٸس القاپتارىنان تىم كٶپ سۋدىڭ كەلگەنٸن حابارلادى. سونىڭ سالدارىنان سۋ قويماسى تولىپ كەتۋ قاۋپٸ تۋىندادى. قۇتقارۋشىلار تۇرعىنداردى الدىن الا ەۆاكۋاتسييالاۋعا كٸرٸستٸ. سودان كەيٸن ۇزىنكٶل, يۋبيلەينىي, كەمەر, جاڭا ٶمٸر جەنە سۋ قويماسىنان تٶمەن ورنالاسقان بارباستاۋ اۋىلدارىنا سۋ باسۋ قاۋپٸ تٶندٸ.
"جالپى 705 ادام ەۆاكۋاتسييالاندى, ونىڭ ٸشٸندە 230 بالا بار. ەۆاكۋاتسييالاۋ كەزٸندە 112 ادام مەن 39 تەحنيكا جۇمىلدىرىلدى. قازٸر بٶگەتتٸ نىعايتۋ جۇمىستارى جٷرگٸزٸلۋدە. سۋ قويماسى جارىلعان جاعدايدا بەس اۋىلدى سۋ باسۋ قاۋپٸ ساقتالادى. ەرٸگەن قار سۋى باسىلدى, ەۆاكۋاتسييالانعاندار ٷيلەرٸنە قايتىپ جاتىر", - دەپ حابارلادى باتىس قازاقستان وبلىسىنىڭ تٶتەنشە جاعدايلار دەپارتامەنتٸ.
الايدا ۇزىنكٶل اۋىلىنىڭ تۇرعىندارى اۋىلداستارىنىڭ بٸرازى ٷيلەرٸنە كەشە قايتسا, بٸرازى ٷيلەرٸنە بٷگٸن كەلگەنٸن ايتتى.
"جاڭا قايتىپ كەلدٸك, سۋ اۋىلعا جەتٸپ, كٶتەرٸلٸپ جاتىر. شەتتەگٸ كٶشەگە كٸرٸپ تە كەتتٸ. ەڭ قىزىعى, بٸزدٸ قايتادان كٶشٸرٸپ جاتىر. بەلكٸم بٶگەت بۇزىلعان شىعار", - دەيدٸ ۇزىنكٶل تۇرعىنى.
اۋىلدا ەۆاكۋاتسييا تاعى باستالدى دەگەن اقپاراتتى اۋىلدىق وكرۋگ ەكٸمدٸگٸ راستادى. بٶگەت بۇزىلعان جوق, دەپ حابارلادى ەكٸمدٸك, سۋ قويماسىنا سۋ قۇيىلىپ, سۋ ۇزىنكٶل اۋىلىنا جەتكەن.
