باتىس قازاقستان وبلىسىنداعى قاراسۋ توعانىندا 3 توننادان اسا بالىق "وتتەگٸنٸڭ جەتٸسپەۋٸنەن" قىرىلىپ قالعان. بۇل تۋرالى ورمان شارۋاشىلىعى جەنە جانۋارلار دٷنيەسٸ كوميتەتٸنٸڭ باسپاسٶز حاتشىسى سەكەن دٸلداحمەت حابارلادى.
5 سەۋٸر كٷنٸ جەلٸدە قاراسۋ توعانىندا جاپپاي بالىق قىرىلىپ قالعانى ايتىلاتىن ۆيدەو پايدا بولعان.
دٸلداحمەتتٸڭ حابارلاۋىنشا, 3,15 توننا بالىق قىرىلعان.
"قىرىلعان بالىق تٷرٸ - تابان. ٶلگەن بالىقتاردىڭ كٶزٸ جويىلدى. الدىن الا دەرەك بويىنشا, بالىقتاردىڭ قىرىلۋىنا سۋداعى وتتەگٸ تاپشىلىعى سەبەپ" دەيدٸ مينيسترلٸك ٶكٸلٸ. ونىڭ ايتۋىنشا, توعاندا مۇنداي جاعداي ەكٸ جىل بۇرىن كٶكتەمدە بولعان.
مينيسترلٸك ٶكٸلٸنٸڭ سٶزٸنشە, "قولدان جاسالىپ, ەرٸگەن قار سۋىمەن تولاتىن" قاراسۋ توعانىنىڭ ۇزىندى - 5 شاقىرىم, ەنٸ - 40-45 مەتر, تەرەڭدٸگٸ ورتاشا - 1 مەتر. توعان سۋى ٸشۋگە جارامسىز, تۇرعىندار ونى تۇرمىستىق ماقساتتا - مالدى, ەگٸندٸ سۋارۋ ٷشٸن پايدالانادى.
باتىس قازاقستاندا بالىقتاردىڭ جاپپاي ٶلۋٸ بىلتىر جەلتوقساننان بەرٸ ايتىلا باستادى.
اتىراۋ بيلٸگٸ 2018 جىلدىڭ جەلتوقسانىنان بەرٸ ٶزەن-سۋلاردى 121 توننا ٶلٸ بالىقتان تازارتقانىن ايتقان. ٶلەكسەنٸڭ 103 تونناسى بەكٸرە زاۋىتتارىنان شىققان.
اتىراۋ وبلىستىق پوليتسييا دەپارتامەنتٸ بىلتىر بالىق قىرىلۋىنا بايلانىستى "بالىق قورلارىن قورعاۋ ەرەجەلەرٸن بۇزۋ" (336-باپ) جەنە "سۋدى لاستاۋ, قوقىستاۋ نەمەسە سارقۋ" (328-باپ) باپتارى بويىنشا ەكٸ قىلمىستىق ٸس قوزعاعان.
