باتىس قازاقستان وبلىسىندا شۇجىق تسەحى ٶرتەندٸ, دەپ حابارلايدى "ۇلت اقپارات".
وقيعا بٷگٸن تاڭمەن بەيتەرەك اۋدانى دارييان اۋىلىندا ب.مومىشۇلى كٶشەسٸندەگٸ «كازاك اكبارس» جشس اۋماعىندا بولدى.
شۇجىق ٶنٸمدەرٸن ٶندٸرەتٸن تسەحتىڭ وتقا ورانعانى جٶنٸندە ساعات 06.37-دە حابار تٷسكەن. تسەحتىڭ تٶبەسٸ مەن ٸشٸندەگٸ جابدىقتارى جانعان. ٶرت 150 شارشى مەتردٸ قامتىدى. عيماراتتىڭ جالپى اۋماعى 2000 شارشى مەتر بولعاندىقتان, قوسىمشا كٷش شاقىرىلدى.
«ٶرتتٸ سٶندٸرۋگە بارلىعى 22 ادام, 5 تەحنيكا جۇمىلدىرىلدى. «تٸلسٸز جاۋ» ساعات 09.53-تە اۋىزدىقتالدى. زارداپ شەككەندەر جوق. قازٸرگٸ كەزدە ٶرتتٸڭ شىعۋ سەبەبٸ انىقتالۋ ٷستٸندە», دەدٸ قازاقپارات تٸلشٸسٸنە بقو تج دەپارتامەنتٸ زٸلزالاردىڭ قاۋٸپ-قاتەرٸن ازايتۋ جەنە ازاماتتىق قورعاۋ سالاسىنداعى باقىلاۋ باسقارماسىنىڭ باستىعى ەرلان تٶرەگەلديەۆ.
ونىڭ ايتۋىنشا, ٶندٸرٸس ورىندارىندا ٶرتكە جول بەرمەس ٷشٸن تەحنيكالىق شارالارمەن بٸرگە ٶرت قاۋٸپسٸزدٸگٸن ساقتاۋعا باسا مەن بەرۋ قاجەت. ول ٷشٸن جۇمىسشىلاردى وقىتۋ, ٶرت قاۋٸپسٸزدٸگٸ تالاپتارىن مٷلتٸكسٸز ورىنداۋ, كٶرنەكٸ ٷگٸت قۇرالدارىن قولدانۋ سىندى شارالاردى جٷزەگە اسىرۋ كەرەك.
