باتىس قازاقستان وبلىسىندا ورمان وتقا وراندى, دەپ حابارلايدى "ۇلت اقپارات".
بقو تج دەپارتامەنتٸنٸڭ باسپاسٶز قىزمەتٸ مەلٸم ەتكەنٸندەي, وقيعا 22 ماۋسىم كٷنٸ تەرەكتٸ اۋدانى شاعاتاي اۋىلدىق وكرۋگٸندە بولدى.
ساعات 13.15-تە قىزىلجار ەلدٸ مەكەنٸ ماڭىندا 9,5 گەكتار القاپتا ورمان (قاراعاش جەنە تەرەك) ٶرتەندٸ.
وقيعا ورنىندا تج دەپارتامەنتٸ (41 ادام, 4 تەحنيكا), ورمان شارۋاشىلىعى مەكەمەسٸ (40 ادام, 3 تەحنيكا), جەرگٸلٸكتٸ اتقارۋ ورگاندارى (10 ادام, 2 تەحنيكا) كٷشتەرٸ جۇمىس جاسادى.
«تٸلسٸز جاۋ» ساعات 18.20-دا وقشاۋلانىپ, 22.14-تە اۋىزدىقتالدى.
«قازگيدرومەت» رمك مەلٸمەتٸنە قاراعاندا, 23 ماۋسىم كٷنٸ وبلىستا 39 گرادۋس ىستىق بولۋى ىقتيمال.
بقو تج دەپارتامەنتٸ سوڭعى كەزدە كٷننٸڭ قاتتى ىسۋىنا بايلانىستى تٶتەنشە ٶرت قاۋپٸ ساقتالىپ وتىرعانىن ەسكەرتەدٸ.
