باتىس قازاقستان وبلىسىندا مال قوراسى مەن 125 توننا پٸشەن جانىپ كەتتٸ, دەپ حابارلايدى "ۇلت اقپارات".
بقو تج دەپارتامەنتٸنٸڭ باسپاسٶز قىزمەتٸ مەلٸم ەتكەنٸندەي, وقيعا 28 مامىر كٷنٸ ساعات 20.20-دا تاسقالا اۋدانى مەرەكە اۋىلدىق وكرۋگٸ قالماق قىستاعىندا «مەرلان» شارۋا قوجالىعىنىڭ اۋماعىندا بولدى.
نايزاعاي تٷسٸپ, اۋماعى 770 شارشى مەتر مال تۇراتىن بازانىڭ شاتىرى مەن سوعان جاپسارلاس ٷيٸلگەن 125 توننا (700 شارشى مەتر, 500 وراما) پٸشەن ٶرتەندٸ. وعان قوسا قورا ٸشٸندەگٸ 3 توننا ارپا وتقا وراندى.
«تٸلسٸز جاۋدى» اۋىزدىقتاۋعا تج دەپارتامەنتٸنەن 7 قىزمەتكەر, 2 تەحنيكا, ەرٸكتٸ ٶرت سٶندٸرۋ قۇرىلىمدارىنان 12 ادام, 4 تەحنيكا جۇمىلدىرىلدى.
ٶرت بٷگٸن ساعات 04.47-دە تولىقتاي سٶندٸرٸلدٸ. زارداپ شەككەندەر جوق.
