Batys Qazaqstan oblysynda mal qorasy men 125 tonna pishen janyp ketti, dep habarlaidy "Ult aqparat".
BQO TJ departamentiniń baspasóz qyzmeti málim etkenindei, oqiǵa 28 mamyr kúni saǵat 20.20-da Tasqala aýdany Mereke aýyldyq okrýgi Qalmaq qystaǵynda «Merlan» sharýa qojalyǵynyń aýmaǵynda boldy.
Naizaǵai túsip, aýmaǵy 770 sharshy metr mal turatyn bazanyń shatyry men soǵan japsarlas úiilgen 125 tonna (700 sharshy metr, 500 orama) pishen órtendi. Oǵan qosa qora ishindegi 3 tonna arpa otqa orandy.
«Tilsiz jaýdy» aýyzdyqtaýǵa TJ departamentinen 7 qyzmetker, 2 tehnika, erikti órt sóndirý qurylymdarynan 12 adam, 4 tehnika jumyldyryldy.
Órt búgin saǵat 04.47-de tolyqtai sóndirildi. Zardap shekkender joq.
