باتىس قازاقستان وبلىسىندا كوروناۆيرۋستان قايتقاندار سانى كٶبەيٸپ كەتٸپ وتىر, دەپ حابارلايدى "ۇلت اقپارات".
بقو دەنساۋلىق ساقتاۋ باسقارماسى باسشىسىنىڭ مٸندەتٸن اتقارۋشى ارمان قاليبەكوۆتٸڭ مەلٸم ەتكەنٸندەي, ٶڭٸردە وسى كەزگە دەيٸن كوروناۆيرۋس جۇقتىرعان 22833 ادام تٸركەلدٸ.
سونىڭ 17927-سٸ نەمەسە 78,5 پايىزى جازىلىپ شىقتى.
پاندەمييا باستالعاننان بەرٸ 341 ادام كٶز جۇمسا, سونىڭ ٸشٸندە 2020 جىلى 169, بيىلعى بەس ايدا 171 ادام ٶمٸردەن ٶتتٸ.
ارمان تالعاتۇلىنىڭ سٶزٸنە قاراعاندا, كٶكتەم ايلارىندا كوروناۆيرۋستان قايتقاندار سانى كٶبەيدٸ. ناۋرىزدا 30, سەۋٸردە 42, مامىردا 56 ادام دٷنيەدەن وزدى.
بيىل قايتقانداردىڭ 88-ٸ ەيەلدەر بولسا, 83-ٸ – ەر ادامدار.
ناۋقاستاردىڭ 91 پايىزىندا (156) سوزىلمالى دەرتتەرٸ بولعان. سونىڭ 75 پايىزى جٷرەك-قان تامىرلارى اۋرۋلارى, 13 پايىزى قانت ديابەتٸ, 12 پايىزى باسقا دەرتكە شالدىققان.
«قازٸرگٸ تاڭدا 1123 تٶسەكتٸك 18 ينفەكتسييالىق ستاتسيوناردا 397 ادام ەمدەلۋدە. سونىڭ ٸشٸندە 26-سى جانساقتاۋ بٶلٸمٸندە جاتسا, 65,3 پايىزى نەمەسە 17-سٸ – الپىس جاستان اسقاندار.
ناۋقاستاردىڭ 21-ٸ جٷرەك-قان تامىرلارى اۋرۋلارى, ٷشەۋٸ قانت ديابەتٸمەن سىرقاتتانادى. كوروناۆيرۋس الپىس جاستان اسقاندار ٷشٸن اسا قاۋٸپتٸ. سوزىلمالى اۋرۋلارى بارلاردى ەمدەۋ قيىنعا سوعادى. سوندىقتان جاسى ۇلعايعان تۇرعىنداردىڭ ادامدار كٶپ جينالاتىن جەرلەرگە, قوناقتىققا بارماي, سانيتارلىق تالاپتاردى ساقتاعانى جٶن», دەدٸ ا.قاليبەكوۆ.
