Batys Qazaqstan oblysynda koronavirýstan qaitqandar sany kóbeiip ketip otyr, dep habarlaidy "Ult aqparat".
BQO densaýlyq saqtaý basqarmasy basshysynyń mindetin atqarýshy Arman Qalibekovtiń málim etkenindei, óńirde osy kezge deiin koronavirýs juqtyrǵan 22833 adam tirkeldi.
Sonyń 17927-si nemese 78,5 paiyzy jazylyp shyqty.
Pandemiia bastalǵannan beri 341 adam kóz jumsa, sonyń ishinde 2020 jyly 169, biylǵy bes aida 171 adam ómirden ótti.
Arman Talǵatulynyń sózine qaraǵanda, kóktem ailarynda koronavirýstan qaitqandar sany kóbeidi. Naýryzda 30, sáýirde 42, mamyrda 56 adam dúnieden ozdy.
Biyl qaitqandardyń 88-i áielder bolsa, 83-i – er adamdar.
Naýqastardyń 91 paiyzynda (156) sozylmaly dertteri bolǵan. Sonyń 75 paiyzy júrek-qan tamyrlary aýrýlary, 13 paiyzy qant diabeti, 12 paiyzy basqa dertke shaldyqqan.
«Qazirgi tańda 1123 tósektik 18 infektsiialyq statsionarda 397 adam emdelýde. Sonyń ishinde 26-sy jansaqtaý bóliminde jatsa, 65,3 paiyzy nemese 17-si – alpys jastan asqandar.
Naýqastardyń 21-i júrek-qan tamyrlary aýrýlary, úsheýi qant diabetimen syrqattanady. Koronavirýs alpys jastan asqandar úshin asa qaýipti. Sozylmaly aýrýlary barlardy emdeý qiynǵa soǵady. Sondyqtan jasy ulǵaiǵan turǵyndardyń adamdar kóp jinalatyn jerlerge, qonaqtyqqa barmai, sanitarlyq talaptardy saqtaǵany jón», dedi A.Qalibekov.
