باتىس قازاقستان وبلىسىندا كوروناۆيرۋسقا قاتىستى جاعداي كٷردەلٸ كٷيٸندە قالىپ وتىر. بۇل تۋرالى بريفينگٸدە وبلىس ەكٸمٸ عالي ەسقاليەۆ مەلٸم ەتتٸ, دەپ حابارلايدى "ۇلت اقپارات".
قازٸرگٸ تاڭدا ٶڭٸردە 940 ادام (571-ٸ جۇقپالى اۋرۋلار, 369-ى پروۆيزورلىق اۋرۋحانادا) ەم الۋدا. سونىڭ ٸشٸندە 473 ادامنىڭ جاعدايى ورتاشا بولسا, 92 ادام اۋىر حالدە.
بقو-دا ٸندەت جالپى 3600 ادامنان انىقتالعان بولاتىن. دەرتكە شالدىققانداردىڭ 61,1 پايىزى ورال قالاسىندا – 2100 ادام. سونداي-اق بٶرلٸ اۋدانىندا 223, بەيتەرەكتە 208, اقجايىقتا 141 ادام تٸركەلدٸ.
ەكٸمنٸڭ سٶزٸنە قاراعاندا, 1 سەۋٸردە ٶڭٸردە 380 تٶسەك-ورىن بولعان ەدٸ. ٸندەتتٸڭ ٶرشۋٸنە بايلانىستى ولاردىڭ سانى 3 ەسە دەرلٸك, 1125-كە دەيٸن ۇلعايتىلدى. جۋىردا وبلىستىق جەنە قالالىق كٶپبەيٸندٸ اۋرۋحانادا تاعى 230-دەي ورىن اشىلماق.
كٷنٸ بٷگٸن 130 جاساندى تىنىس الۋ اپپاراتى بار. مەلٸم ەتٸلگەندەي, بۇل – ٶڭٸرگە جەتكٸلٸكتٸ. الايدا, وتتەگٸ كونتسەنتراتورلارى بويىنشا تاپشىلىق بار. قازٸرگٸ تاڭدا ناۋقاستاردى ەمدەۋدە 46 وتتەگٸ كونتسەنتراتورى قولدانىلۋدا. دەمەۋشٸلەر قارجىسى ەسەبٸنەن كونتسەنتراتورلار الۋعا تاپسىرىس بەرٸلدٸ, تاياۋ ارادا جەتكٸزٸلەدٸ. بوبروۆ اپپاراتى دا ەكەلٸنەدٸ. سونىمەن قاتار ورالدىق كەسٸپورىنداردىڭ بٸرٸندە بوبروۆ اپپاراتى شىعارىلا باستاماق.
«قازٸرگٸ تاڭدا مەديتسينا كادرلارىنىڭ جەتٸسپەۋشٸلٸگٸ ٶتكٸر مەسەلەنٸڭ بٸرٸ بولىپ وتىر. ەڭ الدىمەن, كٸشٸ جەنە ورتا مەديتسينا ماماندارى جەتٸسپەۋدە. ٸندەتپەن كٷرەسكە مەديتسينا قىزمەتكەرلەرٸ جالپى سانىنىڭ تەك 50 پايىزى عانا جۇمىلدىرىلعان. مەديتسينا قىزمەتكەرلەرٸنٸڭ كٶبٸ اۋرۋعا شالدىققان نەمەسە مەجبٷرلٸ دەمالىسقا كەتكەن. وسى مەسەلەنٸ شەشۋ ٷشٸن 2 مەديتسينالىق كوللەدج تٷلەكتەرٸن اۋرۋحانالاردا جۇمىس ٸستەۋگە جەدەلدەتٸپ وقىتۋ جۇمىستارى باستالدى. 15 كٷننەن سوڭ دەرٸگەرلەرگە 200-گە جۋىق جاڭا مەديتسينالىق قىزمەتكەر كٶمەككە كەلەدٸ. سونىمەن قاتار بٸز باسقا قالالاردان جوعارى مەديتسينالىق وقۋ ورىندارىنىڭ تٷلەكتەرٸن تارتۋدى جوسپارلاپ وتىرمىز. سونداي-اق جەكە مەديتسينالىق كلينيكالاردان 9 دەرٸگەر ەرٸپتەستەرٸنە كٶمەكتەسۋگە كەلٸستٸ», دەدٸ ٶڭٸر باسشىسى.
وبلىس ەكٸمٸ سوڭعى ايدا ۆيرۋسقا قارسى جەنە قىزۋدى تٷسٸرەتٸن دەرٸ-دەرمەك جەتكٸزٸلٸمٸ 5 ەسە ٶسكەنٸن جەتكٸزدٸ. كٷنٸ بٷگٸن قۇرامىندا پاراتسەتامول بار دەرٸ-دەرمەكتەر, اتسەتيلساليتسيل قىشقىلى, تسەفترياكسون, ازيتروميتسين, اسكوربين قىشقىلى, ۆيرۋسقا قارسى دەرٸلەر جەتكٸلٸكتٸ. ال پاراتسەتامول, لەوۆفلوكساتسين جەنە انتيكواگۋليانت جەتٸسپەۋدە.
«مەملەكەت باسشىسى قاسىم-جومارت توقاەۆتىڭ تاپسىرماسىنا سەيكەس دەرٸ-دەرمەكتٸ ساتۋدا الىپساتارلىقتى انىقتاي باستادىق, دەرٸحانالاردا باعانى باقىلاۋدامىز. مونيتورينگتٸك توپ بٸرقاتار دەرٸحانا يەلەرٸ تاراپىنان بۇزۋشىلىقتى انىقتادى. بارلىق ماتەريالدار ايىپپۇل سالۋ ٷشٸن وبلىستىق تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸنە جٸبەرٸلدٸ. دەرٸحانالار باعانى ٶسٸرمەۋٸ تيٸس. دەرٸ-دەرمەك بويىنشا شەكتٸك باعانى www.dari.kz. سايتى ارقىلى قاراۋعا بولادى», دەدٸ ع.ەسقاليەۆ.
