بقو-نىڭ قازتالوۆ اۋدانىندا كيٸك اتقان مۇرادىم ايتجانوۆ پەن دەۋلەت ايتجانوۆ اۋداندىق سوت ٷكٸمٸمەن سوتتالدى, دەپ حابارلايدى "ۇلت اقپارات".
قازتالوۆ اۋدانى پوليتسييا بٶلٸمٸ باستىعىنىڭ مٸندەتٸن اتقارۋشى, پوليتسييا مايورى مارلەن قاراباەۆتىڭ مەلٸم ەتكەنٸندەي, اتالعان تۇرعىندار قر قك 337-بابى 6-بٶلٸگٸ 2-تارماعى جەنە 339-بابى 2-بٶلٸگٸ 2-تارماعىنا سەيكەس ايىپتى دەپ تانىلدى.
م.ايتجانوۆ پەن د.ايتجانوۆ مٷلٸكتەرٸن تەركٸلەۋسٸز التى جىل التى اي مەرزٸمگە باس بوستاندىعىنان ايىرىلدى. سونداي-اق 10 جىل مەرزٸمگە اڭشىلىق قىزمەتپەن اينالىسۋ قۇقىعىنان ايىرىلدى.
سوت تالقىسىندا بەلگٸلٸ بولعانىنداي, اتالعان ەكەۋ 12 مامىر كٷنٸ ساعات 11.30 شاماسىندا تٸركەلمەگەن, مەملەكەتتٸك نٶمٸرٸ جوق «Toyota Land Cruiser-80» ماركالى اۆتوكٶلٸگٸن پايدالانىپ, الدىن الا سٶز بايلاسىپ, قازتالوۆ اۋدانى قازتالوۆ اۋىلىنا قاراستى بوزاي-2 قىستاعىنىڭ ماڭىنا بارعان.
سول جەردە م.ايتجانوۆ اۆتوكٶلٸكپەن كيٸكتەردٸ قۋىپ, ال د.ايتجانوۆ زاڭسىز ساقتاپ جٷرگەن يج-18 ەم-م ماركالى «92117970» 12 كاليبرلٸ اڭشىلىق قارۋىمەن 15 كيٸكتٸڭ تەكەسٸن اتقان. سودان كەيٸن 30 مٷيٸزدٸ كەسٸپ الىپ, كيٸك ۇشاسىن سول جەرگە تاستاپ كەتكەن.
قىلمىس ٷستٸندە قازتالوۆ اۋدانى پوليتسييا بٶلٸمٸنٸڭ قىزمەتكەرلەرٸنٸڭ قولىنا تٷسكەن ولار مەملەكەتكە 62,505 ملن تەڭگە (15 كيٸكتٸڭ قۇنى) كٶلەمٸندە ماتەريالدىق زالال كەلتٸرگەن.
سوت ٷكٸمٸنە سەيكەس اتالعان اۆتوكٶلٸك تەركٸلەندٸ, كيٸك مٷيٸزٸ جويىلدى. سوتتالۋشىلاردان 62,505 ملن تەڭگە مەملەكەت پايداسىنا ٶندٸرٸلدٸ.
ٷكٸم كٷشٸنە ەنگەن جوق.
