باتىس قازاقستان وبلىسى بەيتەرەك اۋدانى ۆولوداركا اۋىلىنىڭ تۇرعىندارى ٶز بەتٸنشە كٸرمە جولدى جٶندەي باستاعاننان كەيٸن بيلٸك تراسسانى جٶندەۋ مٷمكٸندٸگٸن قاراستىرعان, دەپ حابارلايدى ازاتتىق.
2 شٸلدەدە تاڭەرتەڭ بٸرنەشە كٷن بۇرىن تۇرعىندار جٶندەي باستاعان جول اۋماعىنا ارنايى تەحنيكا ەكەلٸنٸپ, جول جٶندەيتٸن جۇمىسشىلار كەلگەن. بۇل تۋرالى ازاتتىق تٸلشٸسٸنە اۋىل تۇرعىنى ۆەرا يۆانوۆا حابارلادى. اۋىلدا جول جٶندەۋ اكتسيياسىن وسى بەلسەندٸ باستاعان ەدٸ.
— قولدانىلعان اسفالت ەكەلدٸ, تەسٸك-شۇڭقىرلاردى بٸتەپ جاتىر, – دەدٸ يۆانوۆا ٶزٸ تٷسٸرگەن ۆيدەودا.
ۆەرا يۆانوۆانىڭ ايتۋىنشا, جۋىردا اۋىل ەكٸمٸ تۇرعىنداردى ٶز بەتٸنشە جولدى جٶندەمەۋگە شاقىرىپ, قالاي دا كٶمەكتەسەتٸنٸن ايتقان. 2 شٸلدەدە تۇرعىندار كٸرمە جولدان جۇمىسشىلار مەن ارنايى تەحنيكانى كٶرگەن.
اۋداندىق تۇرعىن ٷي-كوممۋنالدى شارۋاشىلىعىنىڭ بٶلٸمٸ ٶكٸلدەرٸنٸڭ ايتۋىنشا, "جولداردى ساقتاۋ" شارالارى اياسىندا جٶندەۋ جۇمىستارى جٷرگٸزٸلەدٸ.
— بۇرىن ول جەردە مۇنداي شۇڭقىرلار بولماعان ەدٸ, تۇرعىنداردىڭ ٶزدەرٸ شۇقىلاپ, كەيبٸرٸ 50 سم-گە دەيٸن تەرەڭدەپ كەتتٸ. بۇعان دەيٸن جول جاعدايى سەل تەۋٸرلەۋ بولاتىن. بٸزگە تۇرعىنداردان شاعىمدار تٷسە باستادى. ولار قازٸر جولمەن جٷرۋ مٷلدە مٷمكٸن ەمەس دەپ ايتتى. سوسىن "جولداردى ساقتاۋ" شاراسى اياسىندا سول اۋماقتى جٶندەۋ تۋرالى شەشٸم قابىلدادىم, – دەدٸ اۋداندىق تۇرعىن ٷي-كوممۋنالدى شارۋاشىلىعى بٶلٸمٸنٸڭ باستىعى دانييار شۋباەۆ.
كٶكتەمدە بيلٸك 30 جىل بۇرىن تٶسەلگەن جولدى جٶندەۋگە قارجى جوق دەپ مەلٸمدەگەننەن كەيٸن ۆولوداركا اۋىلىنىڭ تۇرعىندارى ٶز كٷشٸمەن مەسەلەنٸ شەشۋگە تىرىسقان. تۇرعىندار اقشا جيناپ, جولدى جٶندەۋگە كٸرٸسە بەرگەن كەزدە بيلٸك جۇمىستى توقتاتۋدى تالاپ ەتكەن.
