Batys Qazaqstan oblysy Báiterek aýdany Volodarka aýylynyń turǵyndary óz betinshe kirme joldy jóndei bastaǵannan keiin bilik trassany jóndeý múmkindigin qarastyrǵan, dep habarlaidy Azattyq.
2 shildede tańerteń birneshe kún buryn turǵyndar jóndei bastaǵan jol aýmaǵyna arnaiy tehnika ákelinip, jol jóndeitin jumysshylar kelgen. Bul týraly Azattyq tilshisine aýyl turǵyny Vera Ivanova habarlady. Aýylda jol jóndeý aktsiiasyn osy belsendi bastaǵan edi.
— Qoldanylǵan asfalt ákeldi, tesik-shuńqyrlardy bitep jatyr, – dedi Ivanova ózi túsirgen videoda.
Vera Ivanovanyń aitýynsha, jýyrda aýyl ákimi turǵyndardy óz betinshe joldy jóndemeýge shaqyryp, qalai da kómektesetinin aitqan. 2 shildede turǵyndar kirme joldan jumysshylar men arnaiy tehnikany kórgen.
Aýdandyq turǵyn úi-kommýnaldy sharýashylyǵynyń bólimi ókilderiniń aitýynsha, "joldardy saqtaý" sharalary aiasynda jóndeý jumystary júrgiziledi.
— Buryn ol jerde mundai shuńqyrlar bolmaǵan edi, turǵyndardyń ózderi shuqylap, keibiri 50 sm-ge deiin tereńdep ketti. Buǵan deiin jol jaǵdaiy sál táýirleý bolatyn. Bizge turǵyndardan shaǵymdar túse bastady. Olar qazir jolmen júrý múlde múmkin emes dep aitty. Sosyn "joldardy saqtaý" sharasy aiasynda sol aýmaqty jóndeý týraly sheshim qabyldadym, – dedi aýdandyq turǵyn úi-kommýnaldy sharýashylyǵy bóliminiń bastyǵy Daniiar Shýbaev.
Kóktemde bilik 30 jyl buryn tóselgen joldy jóndeýge qarjy joq dep málimdegennen keiin Volodarka aýylynyń turǵyndary óz kúshimen máseleni sheshýge tyrysqan. Turǵyndar aqsha jinap, joldy jóndeýge kirise bergen kezde bilik jumysty toqtatýdy talap etken.
