بٷگٸن باتىس قازاقستاندا اقىن قاسىم امانجولوۆقا مٷسٸن ورناتىلدى, دەپ حابارلايدى "ۇلت اقپارات" قازاقپارات اگەنتتٸگٸنە سٸلتەمە جاساپ.
قاسىم اقىننىڭ جاستىق شاعى ورال قالاسىندا ٶتكەنٸ بەلگٸلٸ. وسىعان وراي بۇدان ون جىل بۇرىن زەلەنوۆ اۋدانى ورتالىعى پەرەمەتنىي اۋىلىندا جاڭادان اشىلعان قازاق مەكتەبٸنە قاسىم امانجولوۆتىڭ ەسٸمٸ بەرٸلگەن بولاتىن.
مٸنە, بٷگٸن وسى مەكتەپتٸڭ اۋلاسىندا اقىن مٷسٸنٸ سالتاناتپەن اشىلدى. ونىڭ اشىلۋ رەسٸمٸنە قاتىسقان اۋدان ەكٸمٸ اسحات شاحاروۆ, قازاقستان حالقى بقو اسسامبلەياسى تٶراعاسىنىڭ ورىنباسارى, حاتشىلىق مەڭگەرۋشٸسٸ عايسا قاپاقوۆ وسىناۋ باستامانىڭ «رۋحاني جاڭعىرۋ» باعدارلاماسى اياسىندا جٷزەگە اسىپ وتىرعانىن جەتكٸزٸپ, مٷسٸن اۆتورى اسقار باقتىعاليۇلىنا ريزاشىلىعىن بٸلدٸردٸ.
جەرگٸلٸكتٸ دەمەۋشٸلەردٸڭ 1,5 ملن تەڭگە قاراجاتىنا بوي كٶتەرگەن مٷسٸننٸڭ بيٸكتٸگٸ - 2,8 مەتر.
ايتا كەتەيٸك, ورال قالاسىنداعى بٸر كٶشەگە قاسىم امانجولوۆتىڭ ەسٸمٸ بەرٸلگەن.
