باتىس قازاقستان وبلىسىندا مامىر ايىندا كارانتين تالاپتارىن بۇزعاندارعا 1 ملن استام تەڭگە ايىپپۇل سالىندى, دەپ حابارلايدى "ۇلت اقپارات".
بقو سانيتارلىق-ەپيدەميولوگييالىق باقىلاۋ دەپارتامەنتٸ باسشىسىنىڭ ورىنباسارى نۇرلىبەك مۇستاەۆتىڭ ٶڭٸرلٸك كوممۋنيكاتسييالار قىزمەتٸ الاڭىندا ٶتكەن بريفينگٸدە مەلٸم ەتكەنٸندەي, وسى ايدا مونيتورينگتٸك توپتار 221 رەيد جٷرگٸزٸپ, 1176 نىساندى قامتىدى.
بارلىعى 27 نىساندا كارانتين تالابىن بۇزۋ فاكتٸسٸ انىقتالدى. 24 حاتتاما تولتىرىلىپ, 1 ملن 50,120 مىڭ تەڭگە ايىپپۇل سالىندى.
نۇرلىبەك ەرمەكۇلىنىڭ سٶزٸنە قاراعاندا, 1 مامىردان بەرٸ 2898 ادامنىڭ كوروناۆيرۋستى جۇقتىرعانى انىقتالدى.
سونىڭ 55,9 پايىزى (1622) جرۆي بەلگٸلەرٸ بويىنشا تەكسەرٸلسە, 33,4 پايىزى (969) بۇرىن اۋىرعاندارمەن قارىم-قاتىناستا بولعان.
سوڭعى اپتادا (21-27 مامىر) الدىڭعىمەن (14-20 مامىر) سالىستىرعاندا, ٸندەت جۇقتىرۋ كٶرسەتكٸشٸ 13,1 پايىزعا (721-دەن 626-عا) ازايدى.
مامىر ايىندا مەملەكەتتٸك شەكارادان 26761 ادام ٶتسە, سونىڭ 6284-ٸ – جولاۋشىلار. انىقتاماسىز ٶتكەن 366 جولاۋشىنىڭ بٸرەۋٸنەن ٸندەت تابىلدى. سونداي-اق حالىقارالىق جٷك تاسىمالىمەن اينالىساتىن 14072 جٷرگٸزۋشٸنٸڭ 2424-ٸندە انىقتاما بولعان جوق. بۇلاردىڭ 10-ى كوروناۆيرۋس جۇقتىرعان بولىپ شىقتى.
«قازٸرگٸ تاڭدا «Ashyq« قوسىمشاسىمەن وبلىس بويىنشا بارلىعى 391 نىسان جۇمىس ٸستەيدٸ. 1 مامىردان باستاپ «Ashyq« جوباسىنا قاتىساتىن نىساندارعا سارى, قىزىل مەرتەبەسٸ بار 136 ادام كەلگەن. اتاپ ايتقاندا, ورالدا قىزىل مەرتەبەسٸ بار 48, سارىمەن 69, اقساي قالاسىندا قىزىلمەن 9, سارىمەن 10 ادام انىقتالدى», دەدٸ ن.مۇستاەۆ.
