Batys Qazaqstan oblysynda mamyr aiynda karantin talaptaryn buzǵandarǵa 1 mln astam teńge aiyppul salyndy, dep habarlaidy "Ult aqparat".
BQO sanitarlyq-epidemiologiialyq baqylaý departamenti basshysynyń orynbasary Nurlybek Mustaevtyń óńirlik kommýnikatsiialar qyzmeti alańynda ótken brifingide málim etkenindei, osy aida monitoringtik toptar 221 reid júrgizip, 1176 nysandy qamtydy.
Barlyǵy 27 nysanda karantin talabyn buzý faktisi anyqtaldy. 24 hattama toltyrylyp, 1 mln 50,120 myń teńge aiyppul salyndy.
Nurlybek Ermekulynyń sózine qaraǵanda, 1 mamyrdan beri 2898 adamnyń koronavirýsty juqtyrǵany anyqtaldy.
Sonyń 55,9 paiyzy (1622) JRVI belgileri boiynsha tekserilse, 33,4 paiyzy (969) buryn aýyrǵandarmen qarym-qatynasta bolǵan.
Sońǵy aptada (21-27 mamyr) aldyńǵymen (14-20 mamyr) salystyrǵanda, indet juqtyrý kórsetkishi 13,1 paiyzǵa (721-den 626-ǵa) azaidy.
Mamyr aiynda memlekettik shekaradan 26761 adam ótse, sonyń 6284-i – jolaýshylar. Anyqtamasyz ótken 366 jolaýshynyń bireýinen indet tabyldy. Sondai-aq halyqaralyq júk tasymalymen ainalysatyn 14072 júrgizýshiniń 2424-inde anyqtama bolǵan joq. Bulardyń 10-y koronavirýs juqtyrǵan bolyp shyqty.
«Qazirgi tańda «Ashyq« qosymshasymen oblys boiynsha barlyǵy 391 nysan jumys isteidi. 1 mamyrdan bastap «Ashyq« jobasyna qatysatyn nysandarǵa sary, qyzyl mártebesi bar 136 adam kelgen. Atap aitqanda, Oralda qyzyl mártebesi bar 48, sarymen 69, Aqsai qalasynda qyzylmen 9, sarymen 10 adam anyqtaldy», dedi N.Mustaev.
