باتىس قازاقستان وبلىسىندا يت بەس جاسار قىزدى قاۋىپ ٶلتٸردٸ, دەپ حابارلايدى "ۇلت اقپارات".
وقيعا بەيتەرەك اۋدانى ترەكين اۋىلىندا 9 شٸلدە كٷنٸ كەشكە قاراي بولدى.
اۋىل تۇرعىندارىنىڭ سٶزٸنە قاراعاندا, بەس جاسار قىز رەسەيدەن وتباسىمەن وسىندا تۇراتىن اتاسىنا قىدىرىپ كەلگەن. اتاسىمەن بٸرگە دالاعا شٶپ شابۋعا بارعان كەزدە يتكە تالانىپ قالعان. يت اتاسىنٸكٸ ەكەن.
اۋىل ەكٸمٸ مەلٸك سەيتوۆ قايعىلى وقيعانىڭ ورىن العانىن راستادى.
بقو دەنساۋلىق ساقتاۋ باسقارماسىنىڭ باسپاسٶز حاتشىسى ايناگٷل ساقپوسىنوۆانىڭ ناقتىلاۋىنشا, قىز وقيعا ورنىندا كٶز جۇمدى. ونىڭ مٷردەسٸ سوت-مەديتسينالىق ساراپتاماعا جٸبەرٸلدٸ.
