Batys Qazaqstan oblysynda it bes jasar qyzdy qaýyp óltirdi, dep habarlaidy "Ult aqparat".
Oqiǵa Báiterek aýdany Trekin aýylynda 9 shilde kúni keshke qarai boldy.
Aýyl turǵyndarynyń sózine qaraǵanda, bes jasar qyz Reseiden otbasymen osynda turatyn atasyna qydyryp kelgen. Atasymen birge dalaǵa shóp shabýǵa barǵan kezde itke talanyp qalǵan. It atasyniki eken.
Aýyl ákimi Málik Seitov qaiǵyly oqiǵanyń oryn alǵanyn rastady.
BQO densaýlyq saqtaý basqarmasynyń baspasóz hatshysy Ainagúl Saqposynovanyń naqtylaýynsha, qyz oqiǵa ornynda kóz jumdy. Onyń múrdesi sot-meditsinalyq saraptamaǵa jiberildi.
