باتىس قازاقستان وبلىسىندا 96961 ادام كوروناۆيرۋسقا قارسى ۆاكتسينانىڭ بٸرٸنشٸ كومپونەنتٸمەن ەگٸلدٸ, دەپ حابارلايدى "ۇلت اقپارات".
بقو دەنساۋلىق ساقتاۋ باسقارماسى مەلٸم ەتكەنٸندەي, 63965-ٸ ەكٸنشٸ كومپونەنتٸن الدى.
قازٸرگٸ كەزدە ٶڭٸردە كەسٸپورىندار مەن مەكەمە-ۇيىمدار قىزمەتكەرلەرٸن, تۇرعىنداردى ۆاكتسيناتسييالاۋ جالعاسۋدا.
باسقارمادان تٷسكەن مەلٸمەتكە قاراعاندا, كٷنٸ بٷگٸن وبلىستا 1123 تٶسەكتٸك 18 ينفەكتسييالىق ستاتسيوناردا 523 ناۋقاس ەمدەلۋدە. سونىڭ ٸشٸندە ورال قالاسىندا 600 تٶسەكتٸك 5 اۋرۋحانا 73 پايىزعا تولىپ, وندا جاتقاندار سانى 438-گە جەتتٸ. 72 تٶسەكتٸك جانساقتاۋ بٶلٸمشەسٸندە 36 ادام ەم قابىلداۋدا.
سوڭعى اپتادا الدىڭعىمەن سالىستىرعاندا, اۋرۋ جۇقتىرۋ كٶرسەتكٸشٸ 31,7 پايىزعا (223 ناۋقاسقا) كٶبەيدٸ.
جىل باسىنان بەرٸ 15762 ادام كوروناۆيرۋس جۇقتىرسا, سونىڭ 55 پايىزى (9642) ورال قالاسىندا, 14 پايىزى (2273) بەيتەرەك, 11 پايىزى (1798) بٶرلٸ اۋدانىندا تٸركەلگەن.
