Batys Qazaqstan oblysynda 96961 adam koronavirýsqa qarsy vaktsinanyń birinshi komponentimen egildi, dep habarlaidy "Ult aqparat".
BQO densaýlyq saqtaý basqarmasy málim etkenindei, 63965-i ekinshi komponentin aldy.
Qazirgi kezde óńirde kásiporyndar men mekeme-uiymdar qyzmetkerlerin, turǵyndardy vaktsinatsiialaý jalǵasýda.
Basqarmadan túsken málimetke qaraǵanda, kúni búgin oblysta 1123 tósektik 18 infektsiialyq statsionarda 523 naýqas emdelýde. Sonyń ishinde Oral qalasynda 600 tósektik 5 aýrýhana 73 paiyzǵa tolyp, onda jatqandar sany 438-ge jetti. 72 tósektik jansaqtaý bólimshesinde 36 adam em qabyldaýda.
Sońǵy aptada aldyńǵymen salystyrǵanda, aýrý juqtyrý kórsetkishi 31,7 paiyzǵa (223 naýqasqa) kóbeidi.
Jyl basynan beri 15762 adam koronavirýs juqtyrsa, sonyń 55 paiyzy (9642) Oral qalasynda, 14 paiyzy (2273) Báiterek, 11 paiyzy (1798) Bórli aýdanynda tirkelgen.
