باتىس قازاقستان وبلىسىندا «وحوتزووپروم» ينسپەكتورلارىنا وق اتتى, دەپ حابارلايدى قازاقپارات تٸلشٸسٸ.
قر ەكولوگييا, گەولوگييا جەنە تابيعي رەسۋرستار مينيسترلٸگٸنٸڭ ينستاگرامداعى پاراقشاسىندا مەلٸم ەتٸلگەنٸندەي, وقيعا 16 اقپان كٷنٸ كازتالوۆ اۋدانى اۋماعىندا بولدى.
«وحوتزووپروم» ٶب» رمقك باتىس قازاقستان ٶڭٸرلٸك فيليالىنىڭ ينسپەكتورلارىنا ەكٸ براكونەر قارسىلىق كٶرسەتٸپ, وق اتقان. ابىروي بولعاندا, ادام شىعىنى مەن جاراقات العاندار جوق.
ينسپەكتورلار رەيدتٸك ٸس-شارالار كەزٸندە جۇلدىز اۋىلى ماڭىندا «بوران» ماركالى قاردا جٷرەتٸن كٶلٸكتٸڭ ٸزٸنە تٷسكەن. جەدەل قۋىپ جەتكەن قورىقشىلاردىڭ پەرمەنٸنە قۇلاق اسپاعان قاسكٶيلەر «تويوتا» قىزمەتتٸك كٶلٸگٸنە انىقتالماعان مىلتىقتان شامامەن 10 رەت وق اتقان. اۆتوموبيلدٸڭ الدىڭعى دٶڭگەلەكتەرٸ جارىلىپ, بامپەرٸ زاقىمدالعان.
ينسپەكتورلاردىڭ تابەلدٸك قارۋدان ەسكەرتۋ وق اتقاندارىنا قاراماستان, براكونەرلەر كٶرشٸلەس جاڭاقالا اۋدانى جاڭاقازان اۋىلىنا قاراي ٸزدەرٸن سۋىتقان.
وقيعا ورنىنا كازتالوۆ اۋدانى پوليتسييا بٶلٸمٸنٸڭ قىزمەتكەرلەرٸ شاقىرىلىپ, وسى دەرەك بويىنشا قىلمىستىق ٸس قوزعالدى.
بقو پوليتسييا دەپارتامەنتٸنٸڭ رەسمي ٶكٸلٸ بولاتبەك نۇرعوجين وقيعانىڭ 16 اقپان كٷنٸ شامامەن ساعات 17.40-تا ورىن العاندىعىن جەتكٸزدٸ.
«قازٸرگٸ كەزدە قر قك 380-2-بابىنا (قۇقىق قورعاۋ ورگانى, ارناۋلى مەملەكەتتٸك ورگان قىزمەتكەرٸنٸڭ, ەسكەري قىزمەتشٸنٸڭ ٶمٸرٸنە قولسۇعۋشىلىق) سەيكەس سوتقا دەيٸنگٸ تەرگەۋ امالدارى جٷرگٸزٸلۋدە. كازتالوۆ اۋدانى پوليتسييا بٶلٸمٸنٸڭ قىزمەتكەرلەرٸ وسى قىلمىستى اشۋعا باعىتتالعان ٸس-شارالاردى اتقارۋدا», دەدٸ نۇرعوجين.
