بقو باس مەملەكەتتٸك سانيتار دەرٸگەرٸنٸڭ 12 مامىرداعى جاڭا قاۋلىسى شىقتى, دەپ حابارلايدى "ۇلت اقپارات".
بقو سانيتارلىق-ەپيدەميولوگييالىق باقىلاۋ دەپارتامەنتٸ مەلٸم ەتكەنٸندەي, قاۋلى 15 مامىردان باستاپ كٷشٸنە ەنەدٸ.
قاۋلىعا سەيكەس ٶڭٸردە بلوكپوستار الىنادى. سونداي-اق تۇرعىندار مەن كٶلٸكتەرگە تٷنگٸ ساعات 00.00-دەن كەيٸن جٷرٸپ-تۇرۋعا شەكتەۋ قويىلمايدى.
سونىمەن قاتار باسقا كارانتيندٸك شەكتەۋ شارالارى ساقتالادى.
مىسالى, مەملەكەتتٸك ورگاندار مەن كۆازيمەملەكەتتٸك سەكتور ۇيىمدارى قىزمەتكەرلەرٸنٸڭ كەمٸندە 80, جەكە كەسٸپكەرلٸكتەگٸلەردٸڭ كەمٸندە 50 پايىزى قاشىقتان جۇمىس جاسايدى.
مەملەكەتتٸك ورگاندار, ۇيىمدار, وفيستەر قىزمەتكەرلەرگە كوروناۆيرۋسقا قارسى ۆاكتسيناتسييالاۋ جٷرگٸزٸلگەن جاعدايدا اتالعان تالاپقا ٶزگەرٸس ەنگٸزە الادى. بۇل رەتتە ەكپەنٸڭ تولىق كۋرسىنان ٶتكەن جەنە سوڭعى جارتى جىلدا كوروناۆيرۋسپەن اۋىرىپ جازىلعان بارلىق قىزمەتكەرلەردٸڭ شتاتتىق رەجيمدە جۇمىس ٸستەۋٸنە بولادى.
تۇرعىندار اشىق اۋاداعى قوعامدىق ورىنداردا, ٷي-جايلاردا جەنە اۆتوبۋستاردا ماسكا كييۋگە مٸندەتتٸ.
ٶڭٸردە ٶزگە دە سانيتارلىق تالاپتار قاتاڭ ساقتالۋى تيٸس.
شەكتەۋ شارالارىنىڭ رەجيمٸ مەن ۋاقىتى وبلىس اۋماعىندا COVID-19 كوروناۆيرۋس ينفەكتسيياسىنىڭ تارالۋى بويىنشا جاعدايدىڭ ٶزگەرۋٸنە سەيكەس قايتا قارالۋى مٷمكٸن.
