BQO bas memlekettik sanitar dárigeriniń 12 mamyrdaǵy jańa qaýlysy shyqty, dep habarlaidy "Ult aqparat".
BQO sanitarlyq-epidemiologiialyq baqylaý departamenti málim etkenindei, qaýly 15 mamyrdan bastap kúshine enedi.
Qaýlyǵa sáikes óńirde blokpostar alynady. Sondai-aq turǵyndar men kólikterge túngi saǵat 00.00-den keiin júrip-turýǵa shekteý qoiylmaidy.
Sonymen qatar basqa karantindik shekteý sharalary saqtalady.
Mysaly, memlekettik organdar men kvazimemlekettik sektor uiymdary qyzmetkerleriniń keminde 80, jeke kásipkerliktegilerdiń keminde 50 paiyzy qashyqtan jumys jasaidy.
Memlekettik organdar, uiymdar, ofister qyzmetkerlerge koronavirýsqa qarsy vaktsinatsiialaý júrgizilgen jaǵdaida atalǵan talapqa ózgeris engize alady. Bul rette ekpeniń tolyq kýrsynan ótken jáne sońǵy jarty jylda koronavirýspen aýyryp jazylǵan barlyq qyzmetkerlerdiń shtattyq rejimde jumys isteýine bolady.
Turǵyndar ashyq aýadaǵy qoǵamdyq oryndarda, úi-jailarda jáne avtobýstarda maska kiiýge mindetti.
Óńirde ózge de sanitarlyq talaptar qatań saqtalýy tiis.
Shekteý sharalarynyń rejimi men ýaqyty oblys aýmaǵynda COVID-19 koronavirýs infektsiiasynyń taralýy boiynsha jaǵdaidyń ózgerýine sáikes qaita qaralýy múmkin.
