باتىس قازاقستان وبلىسىندا ازامات سوعىسى كەزٸنەن قالعان التى سنارياد تابىلدى, دەپ حابارلايدى "ۇلت اقپارات".
بو پوليتسييا دەپارتامەنتٸنٸڭ رەسمي ٶكٸلٸ بولاتبەك بەلگٸبەكوۆتٸڭ مەلٸم ەتكەنٸندەي, وقيعا 8 ماۋسىم كٷنٸ اقجايىق اۋدانى بۋدارين اۋىلىندا بولدى.
ساعات 11.45-تە 1963 جىلعى اۋىل تۇرعىنى جايىق ٶزەنٸنٸڭ ەسكٸ ارناسىنان قارا مەتالل جيناۋ كەزٸندە ازامات سوعىسى كەزٸنەن قالعان التى ارتيللەرييالىق سنارياد تاۋىپ العان. بۇلاردىڭ ۇزىندىعى - 30 سم, ديامەترٸ - 8,5 سم.
«قازٸرگٸ كەزدە وقيعا ورنىندا بقو پوليتسييا دەپارتامەنتٸنٸڭ ساپەرلارى زالالسىزداندىرۋ باعىتىنداعى جۇمىستاردى جٷرگٸزۋدە. تابىلعان سناريادتار بەلگٸلەنگەن تەرتٸپپەن جويىلاتىن بولادى», دەدٸ بەلگٸبەكوۆ.
