Batys Qazaqstan oblysynda azamat soǵysy kezinen qalǵan alty snariad tabyldy, dep habarlaidy "Ult aqparat".
BO politsiia departamentiniń resmi ókili Bolatbek Belgibekovtiń málim etkenindei, oqiǵa 8 maýsym kúni Aqjaiyq aýdany Býdarin aýylynda boldy.
Saǵat 11.45-te 1963 jylǵy aýyl turǵyny Jaiyq ózeniniń eski arnasynan qara metall jinaý kezinde azamat soǵysy kezinen qalǵan alty artilleriialyq snariad taýyp alǵan. Bulardyń uzyndyǵy - 30 sm, diametri - 8,5 sm.
«Qazirgi kezde oqiǵa ornynda BQO politsiia departamentiniń saperlary zalalsyzdandyrý baǵytyndaǵy jumystardy júrgizýde. Tabylǵan snariadtar belgilengen tártippen joiylatyn bolady», dedi Belgibekov.
