باتىس قازاقستان وبلىسىنىڭ ەكٸمٸ التاي كٷلگٸنوۆ 56 ميلليون تەڭگە تۇراتىن Audi A8 ماركالى قىزمەتتٸك كٶلٸك الدى, - دەپ حابارلايدى "ۋرالسكايا نەدەليا" گازەتٸ.
باسىلىمنىڭ مەلٸمەتٸ بويىنشا, ايماق باسشىسىنىڭ باسپاسٶز قىزمەتٸ بۇل اقپاراتتى راستادى. سونىمەن بٸرگە, قىمبات كٶلٸكتٸڭ قازاقستانداعى Audi ماركاسىنىڭ رەسمي ديلەرٸ Mercur Auto كومپانيياسىنان الىنعانى دا مەلٸمدەلگەن. الايدا باسپاسٶز قىزمەتٸنٸڭ ٶكٸلدەرٸ باسىلىمعا بٸرنەشە مينۋتتان كەيٸن قوڭىراۋ شىلاپ, كٶلٸكتٸڭ جەرگٸلٸكتٸ كەسٸپكەرلەردەن جالعا الىنعانىن ايتقان.
"قاراجاتتى ٷنەمدەۋ ٷشٸن كٶلٸك جەرگٸلٸكتٸ كەسٸپكەرلەردەن جالعا الىندى. التاي سەيدٸرۇلى جاڭا جىلدان بەرٸ وسى كٶلٸكتٸ مٸنٸپ جٷر", - دەگەن وبلىس ەكٸمٸنٸڭ باسپاسٶز قىزمەتٸنٸڭ جەتەكشٸسٸ جارقىن تٷسٸپبەكوۆ.
الايدا باسپاسٶز حاتشىسى كەسٸپكەردٸڭ اتى-جٶنٸن اتاعىسى كەلمەگەن. ال كٶلٸكتٸڭ جالعا الۋ قۇنى ايىنا نەبارى 50 مىڭ تەڭگە عانا بولاتىنىن ايتقان.
الماتىداعى Mercur Auto كومپانيياسىنىڭ اقپاراتى بويىنشا, ورالعا جەتكٸزٸلگەن Audi A8 Long كٶلٸگٸ ارنايى تاپسىرىسپەن جاسالعان. اتاپ ايتقاندا, ونىڭ ٸشٸ سيرەك اعاشپەن اپتالىپ, قىمبات مۋلتيمەدييالىق جٷيە ورناتىلعان. ال ارتقى ورىنداقتارى "كاپيتان كرەسلوسى" اتالىپ كەتكەن قوسىمشا ورىندىقپەن جابدىقتالعان. قۇنى - 56 ميلليون تەڭگە نەمەسە 169 مىڭ دوللار تۇرادى.
سونىمەن قاتار, ورال قالاسىندا Mercur Auto كومپانيياسىنىڭ رەسمي ديلەرٸ بولماعاندىقتان كٶلٸك استراحان نەمەسە اتىراۋدا جٶندەلەتٸن بولادى.
