بقو-دا مۇناي ٶنٸمدەرٸن زاڭسىز شىعارماق بولعاندار ۇستالدى, - دەپ حابارلايدى "ۇلت اقپارات" ۇقك-نىڭ باسپاسٶز قىزمەتٸنە سٸلتەمە جاساپ.
"8-11 قازان ارالىعىندا ۇقك شەكارا قىزمەتٸ باتىس قازاقستان وبلىسىنىڭ «جايىق» تەمٸر جول ٶتكٸزۋ پۋنكتٸندە ەلٸمٸزدٸڭ اۋماعىنان مۇناي ٶنٸمدەرٸن زاڭسىز شىعارۋدىڭ الدىن الدى.
جاعار ماي تيەلگەن 20 تەمٸرجول تسيستەرناسى بيتۋمدىق لاكتاردى ەرٸتكٸش «ۋايت-سپيريت» رەتٸندە كٶرسەتٸلٸپ, جٷككە ارنالعان تەمٸر جول قۇرامدارىمەن تاسىمالدانعان.
ۇستالعان جٷك قۇزىرەتٸ بويىنشا پروتسەسسۋالدىق شەشٸم شىعارۋ ٷشٸن باتىس قازاقستان وبلىسى بويىنشا مەملەكەتتٸك كٸرٸستەر دەپارتامەنتٸنە بەرٸلدٸ" - دەلٸنگەن حابارلامادا.
شەكارا قىزمەتٸ قازاقستانداعى بەنزين, ديزەل وتىنى مەن مۇناي ٶنٸمدەرٸنٸڭ جەكە تٷرلەرٸنٸڭ شىعارىلۋىنا ۋاقىتشا شەكتەۋلەر قويىلعانىن ەسكە سالدى.
