"اقمولا وبلىسىنا قاراستى اقكٶل اۋدانىنىڭ ورتالىعىندا اشىلعان زاماناۋي باسسەين سالاۋاتتى ٶمٸر سالتىن ۇستانعان ەلدٸڭ يگٸلٸگٸنە جاراپ تۇر. ٷش جولاقتى جاساندى ايدىندا جىل ون ەكٸ اي جٷزۋگە مٷمكٸندٸك بار. ريو وليمپياداسىن قالت جٸبەرمەي, قادالا قارايتىن جەرگٸلٸكتٸ حالىق زامان تالابىنا ساي تاماشا باسسەينگە ەلٸمٸزدٸڭ مەرەيٸن اسىرعان دميتريي بالانديننٸڭ ەسٸمٸن بەرۋدٸ قوش كٶرٸپ وتىر", - دەپ حابارلايدى ۇلت.كز تٸلشٸسٸ. 24.kz ارناعا سٸلتەمە جاساپ.
ەۋەلٸ اقكٶلدە سالىنعان عيمارات تۋرالى ەكٸ اۋىز سٶز. ينە-جٸپتەن ەكٸ جىل بۇرىن شىققان جاساندى ايدىندا العاشقىدا مەكتەپ وقۋشىلارى جٷزەتٸن. كەيٸن اۋىلدا تۇراتىن كەرٸ-جاس مالتۋعا ماشىقتاندى. بۇرىن قۇلاق ەستٸگەن, بٸراق كٶز كٶرمەگەن كەرەمەتتٸ جەرگٸلٸكتٸ جۇرتتىڭ جاقتىرعانى انىق.
"كٷنٸنە كەمٸندە 120 ەۋەسقوي كەلەدٸ. جاس مٶلشەرلەرٸ ەرتٷرلٸ. جاسى دا بار, جاسامىسى دا بار. مۇندا سۋعا جٷزۋدٸ كەسٸبي مەڭگەرگٸسٸ كەلەتٸندەر كٶپ. شەكٸرتتەرٸمنٸڭ الدى رەسپۋبليكالىق جارىستارعا قاتىسىپ جٷر. ەندٸ ەلەمدٸك دوداعا تٷسسە دەيمٸن" - دەيدٸ جاتتىقتىرۋشى سەرگەي دەۆياتكو.
دميتريي بالاندين بەيگەدەن كەلگەن كٷنٸ اقكٶلدٸكتەر تىڭ باستاما كٶتەرٸپتٸ. عيماراتقا وليمپيادا چەمپيونىنىڭ ەسٸمٸن بەرۋ تۋرالى ۇسىنىس تٷسٸرگەن.
"باسسەيندٸ قالاي اتاۋدى ويلانىپ جٷر ەدٸك. ەندٸ, مٸنە, چەمپيون اتىمەن اتايتىن بولامىز. سەبەبٸ اقكٶل تۇرعىندارى ٶتٸنٸش بٸلدٸردٸ. وسى بٸزدەن دە, اقكٶلدەن دە چەمپيون شىقسىن دەگەن ٷمٸتتەمٸز" دەپ قوستادى جاتتىقتىرۋشىنىڭ سٶزٸن اۋداندىق جاستار ورتالىعىنىڭ جەتەكشٸسٸ مادينا قۇسايىنوۆا.
بالاندين اتىنداعى جٷزۋ باسسەينٸ. نەسٸ بار, جاراسىپ تۇر. چەمپيونعا قۇرمەت, ساڭلاققا تارتۋ سەكٸلدٸ. سوسىن ٷمٸت ٷكٸلەنەدٸ. بالالار اقكٶلدە شىنىعىپ, ەلەم بٸرٸنشٸلٸگٸنە قاتىسىپ جاتسا, قانداي عاجاپ! جيىرما بەس مەترلٸك, ٷش جولاقتى, سۋى مٶلدٸر ەكەن. جٷزٸپ جٷرگەندەردٸڭ دە پٸكٸرٸ جاقسى.
"كٷندە كەلٸپ تٷسٸپ جاتىرمىز. سۋى تازا, بەرٸ دە جاقسى, جاتتىعۋشىلار دا جاقسى. كەشە ەستٸدٸك, بالاندين ريو وليمپياداسىندا چەمپيون اتانىپتى. قۇتتى بولسىن!" - دەيدٸ بولاشاق بالانديننٸڭ اتى بەرٸلەتٸن باسسەيٸننٸڭ بٷگٸنگٸ تۇتىنۋشىسى ادايبەك ابدۋللاەۆ.
اقكٶل جۇرتى جىل ون ەكٸ اي جىلى سۋدا جٷزەدٸ. شەبەرلٸكتەرٸن شىڭدايدى. مالتۋعا ماشىقتانادى. جاستارى ديما اعالارى سەكٸلدٸ وليمپيادا شىڭىن باعىندىرۋدى ارماندايدى. ارماننىڭ الاساسى بولا ما?!
