ەلٸمٸزدە باسپاناعا مۇقتاج وتباسىلارعا جەكە تۇرعىن ٷي قورىنداعى جالداۋ اقىسىن مەملەكەتتٸك قاراجات ەسەبٸنەن 80 پايىزعا دەيٸن سۋبسيدييالاۋ جوسپارلانعان. بۇل جايىندا مەجٸلٸس دەپۋتاتتارىنىڭ ساۋالىنا قر پرەمەر-مينيسترٸنٸڭ جاۋابىندا ايتىلعان, دەپ حابارلايدى قازاقپارات.
«بٷگٸنگٸ كٷنٸ «شاڭىراق» جەڭٸلدەتٸلگەن يپوتەكالىق باعدارلاماسى پيلوتتىق رەجيمدە (2020-2022 جىلدارى) ٸسكە اسىرىلىپ جاتىر. وعان تۇرعىن ٷيگە مۇقتاجدار ەسەبٸندە تۇرعان ازاماتتار عانا, ياعني جەرگٸلٸكتٸ اتقارۋشى ورگانداردا كەزەكتە تۇرعان ادامدار قاتىسا الادى. 2020 جىلدان باستاپ وسى باعدارلاما بويىنشا 18 مىڭ ٶتٸنٸم كەلٸپ تٷستٸ. ونىڭ ٸشٸندە بٷگٸنگٸ كٷنٸ 6,7 مىڭعا جۋىعى ماقۇلداندى», - دەدٸ اسقار مامين.
ونىڭ اتاپ ٶتۋٸنشە, «شاڭىراق» باعدارلاماسى اياسىندا يپوتەكا بويىنشا سىياقى مٶلشەرلەمەسٸ جىلدىق 5 پايىزدى قۇرايدى جەنە بۇل ەڭ تٶمەن مٶلشەرلەمەلەردٸڭ بٸرٸ بولىپ تابىلادى. باعدارلاماعا قاتىسۋشىلارعا قويىلاتىن تالاپتاردىڭ بٸرٸ - ەڭبەك قىزمەتٸنەن تٷسەتٸن تابىستىڭ بولۋى (وتباسىنىڭ ەربٸر مٷشەسٸنە ەڭ تٶمەنگٸ كٷنكٶرٸس دەڭگەيٸنٸڭ 3,7 ەسەلەنگەن مٶلشەرٸنەن اسپايتىن). بۇل تالاپ اسا مۇقتاج كەزەكتە تۇرعان ادامداردى قولجەتٸمدٸ تۇرعىن ٷيمەن قامتاماسىز ەتۋ ماقساتىندا بەلگٸلەنگەن.
«يپوتەكالىق كرەديت بەرۋ قارجى ينستيتۋتتارى ٷشٸن جوعارى تەۋەكەلدٸ قۇرالدار بولىپ سانالادى. قارىز الۋشىنىڭ ەڭبەك قىزمەتٸنٸڭ كٸرٸستەرٸ بويىنشا تٶلەم قابٸلەتتٸلٸگٸن باعالاۋ مٸندەتتەمەلەردٸ ۋاقتىلى ورىنداۋ ٷشٸن كەپٸلگەر بولىپ ەسەپتەلەدٸ جەنە قارجى ينستيتۋتتارىنىڭ كرەديتتٸك پورتفەلٸندەگٸ قارىزداردىڭ «جۇمىس ٸستەمەيتٸن» تەۋەكەلدەرٸن بولدىرمايدى. «شاڭىراق» پيلوتتىق جوباسىن ٸسكە اسىرۋ ٷشٸن «وتباسى بانك» اق قاراجاتىن ۇلتتىق بانك قايتارىمدى جەنە اقىلى نەگٸزدە ۇسىندى. بۇل ٶز مٸندەتتەمەلەرٸن ورىنداۋعا قابٸلەتتٸ قارىز الۋشىلاردى ٸرٸكتەۋدٸ تالاپ ەتەدٸ. جوعارىدا ايتىلعاندارعا سٷيەنە وتىرىپ, كٸرٸستەردٸ قۇجاتتىق راستاۋسىز ازاماتتاردىڭ تٶلەم قابٸلەتتٸلٸگٸن تەكسەرۋ مٷمكٸن ەمەس», - دەدٸ ول.
سونىمەن قاتار ٷكٸمەت باسشىسى قازٸرگٸ ۋاقىتتا كەزەكتە تۇرعان ادامداردى تۇرعىن ٷيمەن قامتاماسىز ەتۋ مەسەلەلەرٸن تيٸمدٸ شەشۋ ماقساتىندا مەملەكەت باسشىسىنىڭ تاپسىرماسىمەن وتباسىنىڭ ەربٸر مٷشەسٸنە 1 ەڭ تٶمەنگٸ كٷنكٶرٸس دەڭگەيٸنە دەيٸنگٸ تابىسى بار مۇقتاج كەزەكتە تۇرعان ادامدار ٷشٸن جەكە تۇرعىن ٷي قورىندا جالداۋ اقىسىن سۋبسيدييالاۋ تەتٸگٸن ەنگٸزۋ مەسەلەسٸ پىسىقتالىپ جاتقانىن ايتادى.
«وسىلايشا, جەكە تۇرعىن ٷي قورىنداعى جالداۋ اقىسىن مەملەكەتتٸك قاراجات ەسەبٸنەن 80 پايىزعا دەيٸن سۋبسيدييالاۋ جوسپارلانعان. مىسالى, نارىقتا جالداۋ اقىسى 100 مىڭ تەڭگە بولعان جاعدايدا, 1 ەڭ تٶمەنگٸ كٷنكٶرٸس دەڭگەيٸنە دەيٸنگٸ تابىسى بار كەزەكتە تۇرعان ادامدارعا اي سايىن جالداۋ اقىسى ەسەبٸنە 80 مىڭ تەڭگە كٶلەمٸندە سۋبسيدييا بەرٸلەدٸ. سونداي-اق زاڭناماعا قاجەتتٸ تٷزەتۋلەر قابىلدانعاننان كەيٸن «وتباسى بانك» اق ورتالىقتاندىرىلعان تٷردە تۇرعىن ٷيگە مۇقتاج ادامداردى كەزەككە قويۋدى جەنە ەسەپكە الۋدى جٷزەگە اسىراتىن, سونداي-اق «قولجەتٸمدٸلٸك ساتىلارىنا» سەيكەس كەزەكتە تۇرعان ادامدار ٷشٸن تۇرعىن ٷيدٸ باسىم تٷردە ۇسىناتىن بولادى»,- دەدٸ اسقار مامين.
پرەمەر-مينيستردٸڭ اتاپ ٶتۋٸنشە, ول ٷشٸن ەربٸر ٶتٸنٸمگە كٸرٸستەردٸ, مٷلٸك پەن اكتيۆتەردٸ اشاتىن وتباسىنىڭ تسيفرلىق پورترەتٸ قالىپتاستىرىلادى. وسىلايشا, بۇل تەسٸل حالىق ٷشٸن مەملەكەتتٸك قولداۋدىڭ اتاۋلىعىن قامتاماسىز ەتۋگە جەنە تۇرعىن ٷي الۋعا مۇقتاج ادامداردىڭ بارلىق ساناتتارىن قامتۋعا مٷمكٸندٸك بەرەدٸ», - دەدٸ اسقار مامين.
