زەينەتاقى جيناقتارىنىڭ ەسەبٸنەن ٷي الاتىن ادامداردىڭ ازايۋىنا بايلانىستى الداعى ەكٸ ايدا باعانىڭ ٶسۋٸ توقتايدى. بۇل تۋرالى يندۋسترييا جەنە ينفراقۇرىلىمدىق دامۋ ۆيتسە-مينيسترٸ قايىربەك ٶسكەنباەۆ مەلٸمدەدٸ, دەپ حابارلايدى "ۇلت اقپارات".
ورتالىق كوممۋنيكاتسييالار قىزمەتٸندە ٶتكەن ونلاين بريفينگتە ول جاڭا باعدارلاما (زەينەتاقى جيناقتارىنىڭ بٸر بٶلٸگٸن مەرزٸمٸنەن بۇرىن الۋ) ٸسكە قوسىلعاننان كەيٸن ٷيدٸڭ باعاسى ٶسە باستاعانىن اتاپ ٶتتٸ. ياعني, قاڭتار ايىندا جاڭا ٷيدٸڭ باعاسى 3 پايىزعا ٶسسە, بۇرىن سالىنعان ٷيلەر 5 پايىزعا قىمباتتاعان.
"بٸز اپتا سايىن جىلجىمايتىن مٷلٸك باعاسىن باقىلاپ وتىرامىز. جاڭا باعدارلاما ەنگٸزٸلگەننەن كەيٸن تۇرعىن ٷي باعاسى كٶتەرٸلە باستادى. باستاپقى نارىقتاعى تۇرعىن ٷي قۇنى قاڭتاردا 3 پايىزعا, قايتالاما نارىقتاعى تۇرعىن ٷي 17 پايىزعا قىمباتتادى. ناۋرىزدا باعانىڭ ٶسۋٸ توقتادى. بٸرٸنشٸسٸ 0,5 پايىزعا, ال ەكٸنشٸسٸ ەكٸ پايىزعا قىمباتتادى.
سول سەبەپتٸ قازٸر سەۋٸر مەن مامىر ايىندا باعالاردىڭ ٶسۋٸ توقتاپ, ماۋسىم-شٸلدە ايىنان باستاپ تۇراقتىلىق بولادى دەپ ويلاپ وتىرمىز", – دەدٸ ٶسكەنباەۆ.
الايدا ۆيتسە-مينيستر باعانىڭ ٶسۋٸ تەك توقتايتىنىن عانا جەتكٸزدٸ. بۇرىنعى دەڭگەيگە تٷسەتٸنٸنە ەشكٸم كەپٸلدٸك بەرە المايدى. وعان قوسا, قازاقستاندا بٸراز قۇرىلىس ماتەريالدارى شىعارىلسا دا, شىنى, سانفايانس, تٷسقاعاز سيياقتى ٶنٸمدەر تولىعىمەن شەتەلدەن جەتكٸزٸلەدٸ.
ال ارماتۋرانى ٶز ەلٸمٸزدە شىعارۋعا مٷمكٸندٸك بار. بٸراق قارا مەتالدىڭ باسىم بٶلٸگٸ شەتەلگە كەتٸپ جاتادى. وسى شيكٸزات ٶزٸمٸزدە قالسا, باعانى دا رەتتەۋگە بولادى.
"بيىل قىزىلوردادا شىنى زاۋىتىنىڭ قۇرىلىسى اياقتالسا, وسى ٶنٸم تولىعىمەن ٶزٸمٸزدە شىعارىلادى. سانفايانس پەن تٷسقاعازدى دا شەتەلدەن ەكەلەمٸز. وسى جىلى "سامۇرىق-قازىنامەن" بٸرٸگٸپ, ينۆەستورلاردى ٸزدەپ, وسى زاۋىتتاردىڭ قۇرىلىسىن باستاۋدى جوسپارلاپ وتىرمىز. سوسىن جىلۋ ٶتكٸزبەيتٸن ماتەريالداردىڭ 62 پروتسەنتٸ يمپورتتالادى. ونى دا بيىل 100 پروتسەنت ٶزٸمٸزدە شىعارۋدى جوسپارلاپ قويدىق. وسىنداي زاۋىتتار اشىلادى. سول ۋاقىتتا عانا ٷيلەردٸڭ باعاسى ارزاندايدى دەگەن سەنٸم بار", – دەپ اتاپ كٶرسەتتٸ ٶسكەنباەۆ.
«وتباسى بانك» اق باسقارما تٶراعاسى دا باعالارعا جٷرگٸزٸلگەن تالداۋ ەلەم بويىنشا قۇرىلىستا پايدالانىلاتىن شيكٸزات پەن ماتەريالدار باعاسىنىڭ ٶسكەنٸن كٶرسەتتٸ دەپ وتىر.
«جىلجىمايتىن مٷلٸكتٸڭ ٶزٸندٸك باعاسىندا ەڭبەك رەسۋرستارىنىڭ قۇنى ٶتە ٷلكەن ٷلەسكە يە. قازاقستانداعى ورتاشا جالاقى ستاتيستيكاسىنا قاراساق, 2020 جىلدىڭ تٶرتٸنشٸ توقسانىنىڭ قورىتىندىسى بويىنشا 233 136 تەڭگە بولدى. بٷگٸن رەسمي ستاتيستيكا شىقتى. بٸرٸنشٸ توقساننىڭ قورىتىندىسى بويىنشا نومينالدى ورتاشا جالاقى شامامەن 11 پايىزعا ٶستٸ. تيٸسٸنشە, كرانشىلاردىڭ, مونوليت قۇياتىن قىزمەتكەرلەردٸڭ, ەرلەۋشٸلەردٸڭ ەڭبەگٸ جىلجىمايتىن مٷلٸكتٸڭ باستاپقى نارىعىنا ەسەر ەتەدٸ. بٸز ٶز تاراپىمىزدان تالداۋ جٷرگٸزٸپ, جىلدىڭ ەكٸنشٸ جارتىسىندا, بۇعان دەيٸن بولجاعانىمىزداي, مامىردىڭ سوڭى مەن ماۋسىمنىڭ باسىنان باستاپ باعا نارىعى تۇراقتانادى دەپ ويلايمىز», - دەدٸ لەززات يبراگيموۆا.
