قر جازۋشىلار وداعى تٶراعاسىنىڭ ورىنباسارى, اقىن اقبەرەن ەلگەزەك قازاق تٸلٸندەگٸ كٸتاپ باسىپ شىعارۋ جەنە تاراتۋ ٸسٸندەگٸ مەسەلەلەر تۋرالى ايتىپ بەردٸ, دەپ حابارلايدى قازاقپارات.
«ەشكٸمگە قۇپييا ەمەس, قازٸر ەلٸمٸزدٸڭ بارلىق دٷكەندەرٸندە قازاق تٸلٸندە جازىلعان كٸتاپتار جەتٸم بۇرىشتا تۇر. بۇل تۋرالى تالاي ايتىلدى, تالاي جازىلدى, بٸراق ناقتى شەشٸمٸن تاپپادى. ونىڭ سەبەبٸ بٸرەۋ-اق – مەسەلە زاڭ اياسىندا كٶرسەتٸلٸپ, شەشٸلمەگەن. مىسالى ٶزٸمنٸڭ «بولماعان بالالىق شاق» اتتى كٸتابىمدى «مەلومان» دٷكەنٸ قابىلداعان جوق. جوعارى جاققا حابارلاسىپ, اراعا ادام سالىپ, ۋاقىتتى سوزىپ جٷرٸپ, ەرەڭ ٶتكٸزدٸك. ولاردىڭ ايتاتىن ۋەجٸ – قازاق تٸلٸندە كٸتاپ وقىلمايدى, ونى ەشكٸم ساتىپ المايدى دەيدٸ. ونىڭ بەرٸ ٶتٸرٸك. قازٸرگٸ جاستار كٸتاپتى جاقسى وقيدى. كەيٸن دە «مەلومان» وسى كٸتابىمدى ەكٸ رەت قايتالاپ سۇرادى, ياعني بەرٸ ساتىلىپ كەتكەن», - دەدٸ ول مەدەنيەت جەنە سپورت مينيسترلٸگٸنٸڭ القا وتىرىسىندا.
ونىڭ ايتۋىنشا, مەدەنيەت مينيسترلٸگٸ باسپا ٸسٸ جەنە كٸتاپ ساۋداسى تۋرالى زاڭدى قابىلداۋعا باستاما كٶتەرۋگە تيٸس. ول زاڭ بٸرٸنشٸدەن, قازٸر كٸتاپ شىعارۋ ٸسٸندە مونوپوليسكە اينالعان كٶپتەگەن ٸرٸ باسپالاردىڭ ىقپالىن ازايتار ەدٸ. باسپالار اۆتورلارمەن جۇمىس ٸستەپ, شىنايى نارىق قالىپتاستىرار ەدٸ. بۇل ەدەبيەتتٸڭ دامۋىنا زور سەرپٸن بەرەدٸ.
«قازٸر «قوعامدىق ماڭىزى بار» دەگەن اتاۋمەن جىلدا كٸتاپ شىعىپ جاتىر, ولار ەشكٸم قارامايتىن كٸتاپحانالارعا جٸبەرٸلەدٸ, ناقتى وقىرماننىڭ قولىنا جەتپەيدٸ. قوعامدىق ماڭىزى بار ەدەبيەت دەگەن باعدارلاما كٸتاپتارى مەكتەپ كٸتاپحانالارىندا بار ما? ونىڭ ەكٸ سالا ەكەنٸ تٷسٸنٸكتٸ, بٸراق مەملەكەت بٸزدە بٸرەۋ. سوندىقتان, بٸلٸم مينيسترلٸگٸمەن بٸرلەسە وتىرىپ, بۇل مەسەلەنٸ شەشۋگە بولادى دەپ ويلايمىن. قازٸر مەكتەپ كٸتاپحانالارىندا قازاق تٸلٸندەگٸ كٸتاپتار سانى 27 پايىز. دەمەك, قالعان 73 پايىزى ورىس تٸلٸندە دەگەن سٶز. وتىز جىل بويى شىعىپ كەلگەن كٶركەم ەدەبيەت ول مەكتەپتەرگە جەتپەگەن, مەكتەپ سٶرەلەرٸندە سول سوتسياليستٸك-رەاليزم تالابىمەن شىققان ەسكٸ يدەولوگييانى ناسيحاتتايتىن ەدەبي كٸتاپتار تۇر. بۇل تۋرالى ارنايى رسەپۋبليكالىق كٸتاپحاناشىلار سەمينارىندا ايتىلدى, سوندىقتان بۇل ساندار ويدان شىعارىلماعان», - دەپ اتاپ ٶتتٸ اقبەرەن ەلگەزەك.
سپيكەر باسپا ٸسٸ جٶنٸندەگٸ زاڭ قابىلدانىپ, ناقتى ەرەجەلەر جازىلسا, شارۋا بٸرشاما شەشٸلەتٸنٸن ايتتى.
«مىسالى كٸتاپ دٷكەندەرٸندە كەزٸندە باق-قا قاتىستى جاساعانداي 50/50 ەرەجەسٸن جاساۋعا بولادى – ياعني, كٸتاپ دٷكەندەرٸنە 50 پايىزىن قازاقشا كٸتاپ ەتۋدٸ مٸندەتتەۋ كەرەك. باسپا ٸسٸ جٶنٸندەگٸ زاڭ جوباسىن ينتەرنەتتەن قاراپ شىقتىم, ونى ەرمۇحامەد ەرتٸسباەۆ جاساعان بولاتىن. سونى زاماناۋي تٷزەتۋ ەنگٸزٸپ, قابىلداۋ كەرەك دەپ ەسەپتەيمٸن.
ٷشٸنشٸدەن, قازاق ەدەبيەتٸن قولداۋ تۋرالى ٷش جىلعا ارنالعان مەملەكەتتٸك باعدارلامانى قابىلدايتىن ۋاقىت كەلدٸ. سەبەبٸ ەدەبيەت – بارشاڭىز بٸلەتٸندەي رۋحاني قازىنامىز. ول باعدارلامادا كٶركەم اۋدارما ٸسٸ جەنە باسقا دا كٶپتەگەن مەسەلەلەر قامتىلۋى كەرەك. تارقاتىپ ايتا بەرسەك, مەسەلە كٶپ. بٸراق نيەت بولسا, باعدارلاما جاساپ شىعۋعا ەزٸرمٸز», - دەپ قورىتىندىلادى قالامگەر.
