قازاقستاننىڭ باس سانيتارلىق دەرٸگەرٸ ايجان ەسماعامبەتوۆا جۇمىس بەرۋشٸلەردٸ جۇمىسقا ٷزٸلٸستەن شىققان قىزمەتكەرلەرٸنەن پتر تەستٸنٸڭ نەتيجەسٸن تالاپ ەتپەۋگە شاقىردى.
“ٶكٸنٸشكە قاراي, بٷگٸندە مەملەكەتتٸك بولسىن, جەكەمەنشٸك بولسىن, جۇمىس بەرۋشٸلەردٸڭ كٶبٸ ٸس-ساپاردان, ەڭبەك دەمالىسىنان, اۋىرۋعا بايلانىستى ٷزٸلٸستەن شىققان قىزمەتكەرلەرٸنٸڭ بەرٸنەن مٸندەتتٸ تٷردە پتر تالداۋىن جاساتۋدى تالاپ ەتٸپ جاتىر. قۇرمەتتٸ جۇمىس بەرۋشٸلەر, بۇل تالاپ ينفەكتسييانىڭ ۇجىمىڭىزعا كٸرۋٸنەن قورعامايدى” دەدٸ ەسماعامبەتوۆا ورتالىق كوممۋنيكاتسييالار قىزمەتٸندەگٸ بريفينگتە.
دەرٸگەردٸڭ ايتۋىنشا, ەگەر جۇمىس ورنى اشىق بولىپ, قىزمەتكەرلەرٸ كٸرٸپ-شىعا السا, تاپسىرىلعان پتر تەستٸنەن پايدا جوق.
“تاڭەرتەڭ جۇمىسقا كەلەردە جەنە جۇمىس ورنىنان ٷيگە قايتاردا بٸز ادامدارمەن بايلانىسقا تٷسەمٸز – قوعامدىق كٶلٸككە مٸنەمٸز, دٷكەنگە بارامىز, جاقىندارىمىزبەن جەنە دوستارىمىزبەن كەزدەسەمٸز, بەلگٸلٸ بٸر قىزمەتتەر الامىز. مۇندايدا ۆيرۋس جۇقتىرۋ قاۋپٸ ەردايىم بولادى” دەدٸ ول.
ەسماعامبەتوۆانىڭ سٶزٸنشە, جۇمىس بەرۋشٸلەردٸڭ بۇل تالابى پتر تالداۋىن جٷرگٸزەتٸن زەرتحانالارعا ارتىق سالماق تٷسٸرٸپ وتىر.
“پتر تالداۋىن ونى راسىمەن قاجەت ەتەتٸندەر عانا جاساتۋى تيٸس. ال جۇمىس بەرۋشٸلەر قىزمەتكەرلەرٸن پروفيلاكتيكانىڭ ٶزگە تٷرلەرٸمەن قامتاماسىز ەتە الادى. مىسالى, جۇمىسقا كٸرەبەرٸسكە كونتاكتٸسٸز تەرمومەترييا قويۋ, سانيتايزەرلەرمەن قامتاماسىز ەتۋ, ماسكانى تاعى, ەلەۋمەتتٸك قاشىقتىقتى ۇستانۋ” دەدٸ ەسماعامبەتوۆا.
19 ماۋسىم كٷنٸ دەنساۋلىق ساقتاۋ ۆيتسە-مينيسترٸ لەززات اقتاەۆا ەلدە پتر تالداۋىن 56 زەرتحانا جٷرگٸزٸپ جاتىر دەگەن بولاتىن. ۆيتسە-مينيستر كٷنٸنە 28 مىڭعا جۋىق پتر تالداۋى جاسالاتىنىن, بۇل كٶرسەتكٸشتٸ 35 مىڭعا جەتكٸزۋ جوسپارلانىپ وتىرعانىن ايتقان. تالداۋدىڭ باسىم كٶپشٸلٸگٸن ۇلتتىق ەكسپەرتيزا ورتالىعى, “وليمپ”, “مپك” موبيلدٸ ورتالىعى, Invitro, رەپرودۋكتيۆتٸ مەديتسينا وبلىستىق ورتالىعى جەنە Invivo زەرتحانالارى جٷرگٸزٸپ وتىر.
ٶتكەن اپتانىڭ سوڭىندا “وليمپ” الماتى مەن نۇر-Cۇلتان بويىنشا, Invitro رەسپۋبليكا بويىنشا ٷش كٷنگە پتر تالداۋىن جاساۋدى توقتاتاتىنىن مەلٸمدەگەن. تۇرعىندار پتر تالداۋىن جاساتۋدا قيىندىققا تاپ بولىپ جاتقانىن ايتىپ, شاعىمدانىپ جاتىر.
دەنساۋلىق ساقتاۋ مينيسترلٸگٸنە قاراستى قوعامدىق دەنساۋلىق ساقتاۋ ۇلتتىق ورتالىعىنىڭ دەرەگٸنشە, كوروناۆيرۋس پاندەميياسى باستالعالى قازاقستاندا 1,37 ميلليون پتر تالداۋى جاسالعان.
پتر تالداۋىنىڭ كٷندٸك كٶرسەتكٸشٸ 19-20 ماۋسىم كٷندەرٸ 30 مىڭنان اسىپ, 22-23 ماۋسىم كٷندەرٸ 24 مىڭعا جەتپەي قالدى.
قازاقستاندا كوروناۆيرۋس 28 856 ادامنان انىقتالعان. رەسمي ستاتيستيكاعا ونىڭ 18 231-ٸ عانا كٸرگەن.
قازاقستان بيلٸگٸ 3 ماۋسىمنان بەرٸ كوروناۆيرۋس جۇقتىرعانداردى اۋرۋ بەلگٸسٸنٸڭ بار-جوعىنا قاراي ەكٸ بٶلەك ەسەپتەپ كەلەدٸ. اۋرۋ بەلگٸلەرٸ بارىن “اۋىرعاندار”, جوعىن “تاسىمالداۋشى” دەپ اتادى. بيلٸك سوڭعىسىن ۆيرۋس جۇقتىرعانداردىڭ نەگٸزگٸ ستاتيستيكاسىنا كٸرگٸزبەي وتىر. ال كوروناۆيرۋستىڭ تارالۋىن باقىلاپ وتىرعان ەلەمدٸك دەنساۋلىق ساقتاۋ ۇيىمدارى مەن ورتالىقتارى بيلٸكتٸڭ رەسمي دەرەگٸنە سٷيەنٸپ, قازاقستاندا COVID-19 جۇقتىرعانداردىڭ سانىن كٶرسەتەردە اۋرۋ بەلگٸسٸ جوق جاعدايلاردى ەسكەرمەي وتىر.
بارلىعى 11 158 ادام جازىلىپ شىعىپ, 127 ادام قايتىس بولدى.
