باس سانيتار دەرٸگەر ايجان ەسماعامبەتوۆا كوروناۆيرۋستان كٶز جۇمعانداردىڭ سٷيەگٸ تۋىستارىنا بەرٸلمەيدٸ دەپ مەلٸمدەدٸ.
- [ۆيرۋستان كٶز جۇمعانداردىڭ سٷيەگٸ] مەيٸتحاناعا زەرتتەۋگە جٸبەرٸلمەيدٸ. تۋىسقاندارىنا بەرٸلمەيدٸ. قوشتاسۋعا تەك 30 مينۋت بەرٸلەدٸ. ارا قاشىقتىق ٷش مەتردەن كەم بولماۋى كەرەك. جەرلەۋ رەسٸمٸنە جاقىن تۋىستارى مەن بٸر دٸن قىزمەتكەرٸ قاتىسا الادى - دەدٸ ول 1 سەۋٸر كٷنگٸ بريفينگ كەزٸندە.
31 ناۋرىزدا قازاقستاندا كوروناۆيرۋستان كٶز جۇمعانداردى جەرلەۋ ەرەجەسٸ بەكٸتٸلگەن ەدٸ. باس سانيتار دەرٸگەر شىعارعان قاۋلىعا سەيكەس, ەگەر مارقۇم مۇسىلماندىق عۇرىپقا ساي جەرلەنسە, سٷيەكتٸ جۋۋ رەسٸمٸ مەديتسينالىق مەكەمەلەردە ٶتەدٸ. جەرلەۋ رەسٸمٸنە مەتالل نەمەسە اعاش تابىتپەن ەكەلٸنەدٸ. جەرلەۋ كەزٸندە مارقۇمنىڭ بەتٸن اشۋعا تىيىم سالىنعان.
بۇعان دەيٸن اقپارات جەنە قوعامدىق دامۋ مينيسترٸ دەۋرەن اباەۆ مۇسىلماندار دٸني باسقارماسىنىڭ وسىعان بايلانىستى پەتۋا شىعارىپ, پراۆوسلاۆ شٸركەۋٸ ٶكٸلدەرٸنٸڭ نۇسقاۋلىق جاساعانىن ايتقان ەدٸ.
قازاقستاندا كوروناۆيرۋستان ٷش ادام كٶز جۇمعان. 1 سەۋٸردە قاراعاندىدا 62 جاستاعى ەر ادام قايتىس بولدى. ناۋقاستىڭ دياگنوزىندا كوروناۆيرۋستان بٶلەك ەكٸ جاق پنەۆمونييا, تىنىس الۋ جەتٸسپەۋشٸلٸگٸ بولعان.
31 ناۋرىزدا نۇر-سۇلتاندا 50 جاستاعى ەر ادام كٶز جۇمدى. دەرٸگەرلەر ناۋقاستا قانت ديابەتٸ, قان قىسىمى, جٷرەك قانتامىر اۋرۋلارى بولعانىن ايتتى. 26 ناۋرىزدا اقمولا وبلىسى قوسشى اۋىلىندا 64 جاستاعى ەيەل قايتىس بولعان.
