مەملەكەت باسشىسى باس پروكۋرور عيزات نۇردەۋلەتوۆتٸ قابىلدادى, دەپ حابارلايدى اقوردانىڭ باسپاسٶز قىزمەتٸ.
پرەزيدەنتكە «قاسٸرەتتٸ قاڭتار» وقيعاسىن تەرگەپ-تەكسەرۋ جۇمىستارىنىڭ بارىسى جەنە رۇقسات ەتٸلمەگەن تەرگەۋ ەدٸستەرٸنە قاتىستى ازاماتتار مەن قۇقىق قورعاۋشىلاردىڭ مەلٸمەتتەرٸ نەگٸزٸندە قابىلدانىپ جاتقان شارالار تۋرالى باياندالدى.
قاسىم-جومارت توقاەۆقا بٷگٸندە 3070 قىلمىستىق ٸس قوزعالعانى تۋرالى مەلٸمەت بەرٸلدٸ. ونىڭ 2710-ىن, سونىڭ ٸشٸندە, نەگٸزٸنەن, ۇرلىق, توناۋ, بۇزاقىلىق, قارۋ ۇرلاۋ جەنە باسقا دا قىلمىستاردى ٸشكٸ ٸستەر ورگاندارى تەرگەپ-تەكسەرٸپ جاتىر.
باس پروكۋروردىڭ ايتۋىنشا, سىبايلاس جەمقورلىققا قارسى قىزمەت قۇقىق قورعاۋ ورگاندارى قىزمەتكەرلەرٸنٸڭ لاۋازىمدىق ٶكٸلەتتٸكتەرٸن اسىرا پايدالانعانى تۋرالى ازاماتتاردىڭ شاعىمدارى بويىنشا 173 ٸستٸ جٷرگٸزۋدە. مەملەكەتكە وپاسىزدىق جاساۋ, ٶكٸلەتتٸكتەردٸ اسىرا پايدالانۋ جەنە بيلٸكتٸ باسىپ الۋعا ەرەكەت ەتۋ بويىنشا 15 ٸس ۇلتتىق قاۋٸپسٸزدٸك كوميتەتٸنٸڭ قاراۋىندا جاتىر. سونداي-اق ارناۋلى پروكۋرورلاردىڭ باسشىلىعىمەن ۆەدومستۆوارالىق تەرگەۋ توبى جاپپاي تەرتٸپسٸزدٸكتەر مەن تەرروريزم اكتٸلەرٸ بويىنشا 179 ٸستٸ تەكسەرۋدە.
تەرتٸپسٸزدٸكتەر ٶرشٸپ تۇرعان كەزدە قىزمەتتٸك عيماراتتاردى تاستاپ كەتكەن كٷشتٸك قۇرىلىمدار ورگاندارىنىڭ لاۋازىمدى تۇلعالارىنا قاتىستى بٶلەك تەرگەۋ جٷرگٸزٸلۋدە. وسىنداي ەرەكەتتەردٸڭ سالدارىنان الماتى قالاسىندا, الماتى جەنە جامبىل وبلىستارىندا قۇقىق قورعاۋ ورگاندارىنىڭ ارسەنالىنداعى 1500-نان استام قارۋ قىلمىسكەرلەردٸڭ قولىنا تٷسكەن.
جالپى العاندا, قاڭتار وقيعاسى كەزٸندە 3388 قارۋ, ونىڭ ٸشٸندە 10 اڭشىلىق دٷكەنٸنەن 1629 مىلتىق ۇرلانعان. وسىنىڭ تەك ٷشتەن بٸرٸ نەمەسە 967 قارۋ تابىلدى. قارۋلاردى ٸزدەۋ جەنە قايتارىپ الۋ جۇمىستارى جالعاسىپ جاتىر. بارلىق فاكتٸلەر بويىنشا تەرگەپ-تەكسەرۋ جٷرگٸزٸلۋدە.
بۇدان بٶلەك عيزات نۇردەۋلەتوۆ پرەزيدەنتكە جانار-جاعارماي ماتەريالدارى, سۇيىتىلعان گاز اينالىمى جەنە باعانى بەلگٸلەۋ, كەدەندٸك شەكارا سالاسىنداعى تەكسەرۋدٸڭ الدىن الا نەتيجەلەرٸ تۋرالى ەسەپ بەردٸ.
مەملەكەت باسشىسى قىلمىستىق قۋدالاۋعا تٷسكەن ازاماتتاردىڭ كونستيتۋتسييالىق قۇقىعىن ساقتاۋدىڭ ماڭىزدى ەكەنٸن اتاپ ٶتتٸ. قاسىم-جومارت توقاەۆ كٸنەلٸ ادامدارعا قاتىستى جاۋاپكەرشٸلٸك شارالارىن قابىلداي وتىرىپ, ەربٸر راستالعان حابارلاماعا دەر كەزٸندە نازار اۋدارۋدى, سونداي-اق تەرگەۋ بارىسى جٶنٸندە حالىققا ۋاقتىلى اقپارات بەرۋدٸ تاپسىردى.
