فوتو: اشىق دەرەككٶزدەن
باس پروكۋراتۋرا جۋرناليست ميحايل كوزاچكوۆتىڭ ۇستالۋىنا قاتىستى مەلٸمدەمە جاسادى, - دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
"مەملەكەت باسشىسىنىڭ تاپسىرماسىنا سەيكەس پروكۋراتۋرا ورگاندارى جۋرناليست ميحايل كوزاچكوۆقا قاتىستى تەرگەۋ جٷرگٸزۋ بويىنشا بٸرقاتار باق ٶكٸلدەرٸنٸڭ ٷندەۋٸندە كەلتٸرٸلگەن ۋەجدەردٸ تەكسەرۋگە كٸرٸستٸ.
بەلگٸلٸ بولعانداي, م.ۆ.كوزاچكوۆ 2022 جىلعى 18 جەلتوقساندا الماتى قالاسى جەنە الماتى وبلىسىندا جەكەلەگەن كەسٸپكەرلەردٸڭ مٷلكٸن رەيدەرلٸك جولمەن باسىپ الۋ فاكتٸلەرٸ بويىنشا ۇيىمداسقان توپقا قاتىستى قىلمىستىق ٸستٸ تەرگەۋ اياسىندا قارجى مونيتورينگٸ اگەنتتٸگٸنٸڭ قىزمەتكەرلەرٸمەن ۇستالعان.
سوتقا دەيٸنگٸ تەرگەپ-تەكسەرۋ ورگانى م.ۆ.كوزاچكوۆتى وسى ۇيىمداسقان توپقا قاتىستى (قر قك-نٸڭ 262-بابىنىڭ 2-بٶلٸگٸ), رەيدەرلٸك جاسادى (قر قك-نٸڭ 249-بابىنىڭ 3-بٶلٸگٸ), مەملەكەتتٸك قۇپييالاردى زاڭسىز جيناۋ جەنە تاراتۋمەن (قر قك-نٸڭ 185-بابىنىڭ 3-بٶلٸگٸ) اينالىستى دەپ كٷدٸكتەنٸپ وتىر" - دەلٸنگەن حابارلامادا.
وسىعان بايلانىستى م.ۆ.كوزاچكوۆتىڭ تۇراتىن پەتەرٸندە تەرگەۋ سوتىنىڭ سانكتسيياسى نەگٸزٸندە كٷدٸكتٸنٸڭ جۇبايىنىڭ, كۋەگەرلەردٸڭ قاتىسۋىمەن جەنە بەينە جازبانى پايدالانۋ ارقىلى تٸنتۋ جٷرگٸزٸلگەن.
"تۋىنداعان رەزونانستى ەسكەرە وتىرىپ, قارجى مونيتورينگٸ اگەنتتٸگٸ 2022 جىلعى 18 جەلتوقساندا جوعارىدا اتالعان پروتسەستٸك ەرەكەتتەردٸ جاساۋعا نەگٸز بولعان مەن-جايلاردى دەرەۋ جۇرتشىلىقتىڭ نازارىنا ۇسىنعان.
قازٸرگٸ ۋاقىتتا سوتقا دەيٸنگٸ تەرگەپ-تەكسەرۋ امالدارى جالعاسىپ جاتىر. تەرگەۋ بارىسى پروكۋراتۋرانىڭ قاداعالاۋىندا.
بۇل رەتتە م.ۆ.كوزاچكوۆقا قاتىستى ٸستٸڭ مەن-جايىن جارييالاۋ كەزٸندە كٸنەسٸزدٸك پرەزۋمپتسيياسى قاعيداسىن جەنە جوعارىدا اتالعان تەرگەۋ ٸس-ەرەكەتٸنەن ۋاقتىلى قول جەتكٸزۋدە ونى قورعاۋدى قامتاماسىز ەتەتٸن ادۆوكاتتىڭ كەدەرگٸ جاساۋ بەلگٸلەرٸن بۇزۋ تۋرالى حابارلامالارعا ەرەكشە نازار اۋدارىلادى" - دەلٸنگەن حابارلامادا.
ٷندەۋدٸ قاراۋ نەتيجەلەرٸ تۋرالى تەكسەرۋ اياقتالعاننان كەيٸن جۇرتشىلىققا حابارلانادى.
