فوتو:instagram.com/almas_abdygapparov
باس پروكۋراتۋرا الماس ەبدٸعاپپاروۆتىڭ ٸسٸ بويىنشا جوعارعى سوتقا نارازىلىق جٸبەردٸ. بۇل تۋرالى اقپارات كەسٸپكەردٸڭ Instagram-پاراقشاسىندا پايدا بولدى, - دەپ حابارلايدى Tengrinews.kz سايتى.
جازبادا باس پروكۋراتۋرا قىلمىستىق ٸس بويىنشا بۇرىن شىعارىلعان ٷكٸمنٸڭ كٷشٸن جويۋعا كاسساتسييالىق نارازىلىق جٸبەرگەنٸ حابارلاندى. ٸس جوعارعى سوتتىڭ كاسساتسييالىق ساتىسىندا قارالادى دەپ كٷتٸلەدٸ.
باس پروكۋراتۋرانىڭ باسپاسٶز قىزمەتٸ بۇل نارازىلىقتى قاداعالاۋ ورگانى شىنىمەن دە جٸبەرگەنٸن راستادى. باسقارما بۇدان باسقا مەلٸمەت بەرمەدٸ.
ەسكە سالايىق, 2021 جىلعى 27 شٸلدەدە قالالىق سوتتا بەلگٸلٸ كەسٸپكەر, Parmigiano Group باسشىسى الماس ەبدٸعاپپاروۆتىڭ ۇستالعانى تۋرالى اقپارات راستالدى. ول قىلمىستىق كودەكستٸڭ 189-بابى 4-بٶلٸگٸ 2-تارماعىندا "سەنٸپ تاپسىرىلعان بٶتەن مٷلٸكتٸ اسا ٸرٸ مٶلشەردە يەمدەنٸپ الۋ نەمەسە ىسىراپ ەتۋ" كٶزدەلگەن قىلمىستى جاسادى دەگەن كٷدٸكپەن ۇستالعان ەدٸ. كەسٸپكەر 5 جىلعا قارجى ۇيىمدارىندا باسشىلىق قىزمەت اتقارۋ قۇقىعىنان ايىرا وتىرىپ, 7 جىلعا باس بوستاندىعىنان ايىرىلدى.
