باس پروكۋراتۋرا قوستاناي وبلىسىنداعى ٶرتكە بايلانىستى 3 قىلمىستىق ٸس قوزعادى, دەپ حابارلايدى "ۇلت اقپارات".
«قوستاناي وبلىسىنىڭ ەۋليەكٶل, ۇزىنكٶل جەنە قارابالىق اۋداندارىندا تابيعي ٶرتتٸ سٶندٸرۋ جالعاسىپ جاتىر. الدىن الا مەلٸمەتتەر بويىنشا, تٶرت ەلدٸمەكەندە (امانقاراعاي اۋىلى, وزەرنوە, كالينين جەنە لەسنوە) 108-گە جۋىق تۇرعىن ٷي مەن عيمارات زارداپ شەكتٸ. كەلتٸرٸلگەن زالال مٶلشەرٸ انىقتالىپ جاتىر.
بٷگٸندە امانقاراعاي اۋىلىنىڭ تۇرعىنى - 1936 جىلى تۋعان م.ي. بابەنكونىڭ قازا تاپقانى بەلگٸلٸ.
سونىمەن قاتار, 3 قىركٷيەكتە قوستاناي قالاسىندا «ورۋجەينايا پالاتا» اڭشىلىق دٷكەنٸ ٶرتەنگەن. سونىڭ سالدارىنان دٷكەننٸڭ جەتٸ قىزمەتكەرٸ زارداپ شەگٸپ, ٷشەۋٸ كٷيٸك شالىپ اۋرۋحاناعا جاتقىزىلدى, ال تٶرتەۋٸ قازا تاپتى», - دەپ جازىلعان باس پروكۋراتۋرانىڭ باسپاسٶز قىزمەتٸ تاراتقان مەلٸمەتتە.
اتالعان فاكتٸلەر بويىنشا قىلمىستىق كودەكستٸڭ 204-بابىنىڭ 2-بٶلٸگٸ (وتپەن ابايسىز جۇمىس iستەۋ ارقىلى اۋىر زارداپتارعا ەكەپ سوققان نەمەسە اسا ٸرٸ زالال كەلتٸرٸلگەن ٸس-ەرەكەت), 341-بابىنىڭ 1-بٶلٸگٸ (ورمانداردى جويۋ), 292-بابىنىڭ 3-بٶلٸگٸ (ابايسىزدا ەكٸ نەمەسە ودان دا كٶپ ادامنىڭ ٶلٸمٸنە ەكەپ سوققان ٶرت قاۋٸپسٸزدٸگٸ تالاپتارىن بۇزۋ) بويىنشا سوتقا دەيٸنگٸ تەرگەپ-تەكسەرۋ ەرەكەتتەرٸ باستالدى.
«ادامداردىڭ قازا بولعانىن, زارداپ شەككەندەردٸڭ سانىن جەنە ٶرت سالدارىنان كەلتٸرٸلگەن شىعىندى ەسكەرە وتىرىپ, قىلمىستىق ٸستەر باس پروكۋراتۋرانىڭ جەنە قوستاناي وبلىسى پروكۋراتۋراسىنىڭ ارنايى پروكۋرورلارى باسشىلىق ەتەتٸن تەجٸريبەلٸ قۇقىق قورعاۋ جەنە ارناۋلى ورگاندار قىزمەتكەرلەرٸنەن قۇرىلعان تەرگەۋ-جەدەل توپتاردىڭ ٸس جٷرگٸزۋٸنە قابىلداندى. تەرگەۋ بارىسى باس پروكۋروردىڭ جەكە باقىلاۋىنا الىندى», - دەلٸنگەن حابارلامادا.
