قر باس پروكۋراتۋراسى قىلمىستىق قۋدالاۋ قىزمەتٸ باسشىسىنىڭ ورىنباسارى ەلدوس قيلىمجانوۆ قاڭتار وقيعاسىن تەرگەۋ بارىسىنا قىسىم كٶرسەتٸپ جاتقاندار تۋرالى ايتتى, دەپ حابارلايدى قازاقپارات.
«قازٸرگٸ ۋاقىتتا جەكەلەگەن ادامدار ەلەۋمەتتٸك جەلٸلەر مەن بۇقارالىق اقپارات قۇرالدارى ارقىلى زاڭسىز تالاپتار قويىپ وتىر. ولار قابىلدانعان پروتسەستٸك شەشٸمدەرمەن كەلٸسپەگەندٸكتەن, تەرگەۋگە قىسىم كٶرسەتۋ ماقساتىندا قىلمىستىق ٸستەردٸ تەرگەۋ بارىسىنا ارالاسىپ جاتىر», - دەدٸ ەلدوس قيلىمجانوۆ ورتالىق كوممۋنيكاتسييالار قىزمەتٸندە.
وسى ورايلا ول قىلمىستىق-پروتسەستٸك زاڭنامانىڭ تالاپتارىنا سەيكەس, تەرگەۋ ەرەكەتتەرٸنە قاتىسۋ بويىنشا ادامداردىڭ ناقتى تٸزبەسٸنە رۇقسات ەتٸلگەنٸن ەسكە سالدى. ولاردىڭ قاتارىندا ادۆوكاتتار, قورعاۋشى تاراپتىڭ زاڭدى ٶكٸلدەرٸ, جەبٸرلەنۋشٸلەر بار. بۇل ادامداردىڭ پروكۋراتۋراعا دا, تەرگەۋ سوتىنا دا تەرگەۋ ورگانىنىڭ ٸس-ەرەكەتتەرٸنە ٶتٸنٸشحات نەمەسە شاعىم بەرۋگە قۇقىعى بار.
بۇل تۇرعىدا قىلمىستىق-پروتسەستٸك كودەكسٸندە پروتسەستٸك شەشٸمدەرگە شاعىم جاساۋدىڭ ناقتى تەرتٸبٸ ايقىندالعان.
«وسىعان بايلانىستى قىلمىستىق پروتسەسكە قاتىسۋشىلار مەن قورعاۋشىلاردى زاڭنىڭ كٶرسەتٸلگەن نورمالارىن قاتاڭ ساقتاۋعا شاقىرامىن. پروكۋراتۋرا ورگاندارى بارلىق قىلمىستىق ٸستەر بويىنشا قىلمىستىق-پروتسەسكە قاتىسۋشىلاردىڭ قۇقىقتارىن ساقتاۋدى قامتاماسىز ەتٸپ وتىرعانىن اتاپ ٶتەمٸن. قىلمىستىق ٸستەردٸ تەرگەۋ كەزٸندە قۇقىق قورعاۋ جەنە ارنايى ورگانداردىڭ قىزمەتٸنە ارالاسقانى ٷشٸن جاۋاپتىلىق تۋرالى باس پروكۋراتۋرا بٸرنەشە رەت ەسكەرتكەنٸن ەرەكشە ايتىپ ٶتكٸم كەلەدٸ. ٶزگە ادامداردىڭ سوتقا دەيٸنگٸ تەرگەۋ بارىسىنا ارالاسۋ ەرەكەتٸ ٷشٸن ەكٸمشٸلٸك جەنە قىلمىستىق جاۋاپتىلىق قاراستىرىلعان», - دەدٸ باس پروكۋراتۋرانىڭ ٶكٸلٸ.
بۇدان بۇرىن حابارلانعانداي, قازٸرگٸ كەزدە ارنايى پروكۋرورلاردىڭ ٸس جٷرگٸزۋٸندە جاپپاي تەرتٸپسٸزدٸكتەر بويىنشا 53 جەنە تەرروريزم اكتٸلەرٸنە قاتىستى 32 قىلمىستىق ٸس بار.
مەملەكەتتٸك وبەكتٸلەردٸ ٶرتتەۋ, مٷلٸكتەردٸ جويۋ جەنە تەرروريزم اكتٸلەرٸ الماتى, شىمكەنت قالالارىندا, اقتٶبە, اتىراۋ, الماتى, جامبىل, قىزىلوردا جەنە شىعىس قازاقستان وبلىستارىندا جاسالعانى بەلگٸلٸ بولدى.
