اۋىزاشاردى ٷيدە بەرۋ مەن قورجىنعا سالىپ جەتكٸزۋدٸڭ ساۋابى بٸردەي. بۇل تۋرالى قازاقستان مۇسىلماندارى دٸني باسقارماسىنىڭ تٶراعاسى, باس مٷفتي ناۋرىزباي قاجى تاعانۇلى ايتتى, دەپ حابارلايدى "ۇلت اقپارات".
«ورازا كەزٸندە بەرٸمٸز تاراۋىققا, اۋىزاشارعا ٷيرەنٸپ قالدىق. ٶكٸنٸشكە قاراي, اللا تاعالا بٸزگە وسىنداي كەزەڭدٸ كٶرۋدٸ جازىپتى. ەندٸ بۇل كەزەڭنەن دە ساقتىقپەن, اقىلمەن, مەدەنيەتتٸلٸكپەن ٶتۋٸمٸز كەرەك. قازٸر قولىمىزدان كەلگەنشە «ورازا قورجىنى» دەگەن اتپەن اۋىزاشار بەرۋ تەرتٸبٸن ناسيحاتتاپ جاتىرمىز. ەلٸمٸزدٸڭ بٸرقاتار ٶڭٸرٸ قىزىل ايماققا ٶتٸپ, سارى ايماقتا دا بٸرنەشە ٶڭٸر بار. سوندىقتان ساقتىق شاراسىنا نازار اۋدارىپ, ورازا اۋىزاشاردى بارىنشا جەتكٸزٸپ بەرۋ ارقىلى ٶتكٸزسەك دەپ وتىرمىز. بۇل بٸر-بٸرٸمٸزگە دەگەن قۇرمەتٸمٸز بولادى», - دەدٸ ناۋرىزباي قاجى تاعانۇلى ورتالىق كوممۋنيكاتسييالار قىزمەتٸندەگٸ بريفينگ بارىسىندا.
باس مٷفتي اۋىزاشاردى جەتكٸزٸپ بەرۋ مەن ٷيدە نە دەمحانادا اۋىزاشار بەرۋدٸڭ ساۋابى بٸردەي ەكەندٸگٸن باسا ايتتى.
«سٸز ٷيدە نەمەسە اسحانادا اۋىزاشار بەرسەڭٸز دە, اۋىزاشاردى قورجىنعا سالىپ, اۋىز بەكٸتكەن جانعا جەتكٸزٸپ بەرسەڭٸز دە ساۋابى بٸردەي بولادى. اۋىزاشار بەرۋ سٷننەت, ساۋاپتى امال. مٸندەتتەلگەن امال ەمەس. ال ادامنىڭ ٶمٸرٸن ساقتاۋ, قورعاۋ بٸزگە بۇيىرىلعان مٸندەتتٸ امال سانالادى», - دەدٸ باس مٷفتي.
