60-تان اسقان ادامدار اۋىز بەكٸتۋدەن بۇرىن مەديتسينالىق تەكسەرۋدەن ٶتٸپ, دەرٸگەردٸڭ تيٸستٸ كەڭەسٸن الۋى كەرەك. بۇل تۋرالى قازاقستان مۇسىلماندارى دٸني باسقارماسىنىڭ تٶراعاسى, باس مٷفتي ناۋرىزباي قاجى تاعانۇلى ايتتى, دەپ حابارلايدى قازاقپارات.
«رامازاندا اۋىز بەكٸتكەن يسٸ مۇسىلمان بالاسى ٶزٸن ٸشٸپ-جەۋدەن عانا شەكتەمەي, جانى مەن تەنٸن جاماندىقتان ساقتاپ, ٸزگٸلٸككە ۇمتىلادى. ٸس-ەرەكەتٸن مۇسىلمانعا تەن ەدەپ اياسىندا ورىنداۋعا تىرىسادى. ٶيتكەنٸ رامازان – كەز كەلگەن ٸزگٸ امالدى ريياسىز نيەتپەن جاساۋعا تەربيەلەيتٸن, ادامدى تاقۋالىققا ٷيرەتەتٸن اي. اشتىق پەن شٶلگە تٶزٸپ, اللا رازىلىعىن الۋدى شىنايى نيەت ەتكەن ادامعا بەرٸلەتٸن سىي مەن قۇرمەت ەرەكشە بولماق.
اللا تاعالا قۇدسي-حاديستە: «اۋزى بەرٸك ادام ٸشٸپ-جەۋٸن مەن ٷشٸن دوعاردى. ورازا – مەن جەنە قۇلىمنىڭ اراسىنداعى عيبادات. وعان بەرٸلەتٸن سىيدى مەن عانا ٶلشەپ, مەن بەرەمٸن. اۋزى بەرٸك قۇلىمنىڭ اشتىق پەن شٶلدەۋ سەبەبٸنەن شىققان اۋىز يٸسٸ مەن ٷشٸن ميسك ەتٸرٸنەن دە قايىرلى», – دەگەن. بٷگٸندە قازاقستان مۇسىلماندارى دٸني باسقارماسى حالقىمىزعا «يحسان ٸلٸمٸن» كەڭٸنەن ناسيحاتتاپ كەلەدٸ. يحسان – پەندەنٸڭ يمانىن بەكەمدەپ, قۇلشىلىققا دەگەن قۇلشىنىسىن ارتتىراتىن, ادامگەرشٸلٸككە تەن يگٸ قاسيەتتەردٸ كەمەلدەندٸرە تٷسەتٸن رۋحاني ٸلٸم. بۇل – ەر امالدى كٶركەم تٷردە ورىنداۋعا ٷيرەتەتٸن ٸلٸم», - دەدٸ باس مٷفتي ورتالىق كوممۋنيكاتسييالار قىزمەتٸندەگٸ بريفينگ بارىسىندا.
وسى رەتتە ناۋرىزباي قاجى تاعانۇلى رۋحاني كەمەلدەنۋ ايى – رامازاندا بارىنشا ەدەپسٸز ەرەكەت پەن قاتە-كەمشٸلٸكتەن ارىلىپ, تۇلا بويىمىزدا كٶركەم مٸنەز قۇندىلىقتارىن قالىپتاستىرۋعا تىرىسقانىمىز ابزال ەكەنٸن باسا ايتتى.
«ٶكٸنٸشكە قاراي, بيىل دا قاسيەتتٸ رامازان ايىن پاندەمييا جاعدايىندا ٶتكٸزگەلٸ وتىرمىز. جۇقپالى دەرتتٸ وقشاۋلانۋ, ساقتانۋ ارقىلى عانا جەڭۋگە بولاتىنىن انىق اڭعاردىق. وسى رەتتە سٸزدەردٸ اۋىزاشار كەزٸندە, قۇلشىلىق سەتتەرٸندە سانيتارلىق تالاپتاردى قاتاڭ ساقتاۋعا شاقىرامىن. دەنساۋلىق – بەرٸنەن قىمبات قۇندىلىق, اللانىڭ ادامزاتقا بەرگەن اماناتى. وسى ورايدا جاسى 60-تان اسقان اعا-اپالارىمدى اۋىز بەكٸتۋدەن بۇرىن مەديتسينالىق تەكسەرۋدەن ٶتٸپ, دەرٸگەردٸڭ تيٸستٸ كەڭەسٸن الۋعا شاقىرامىن. ەگدە جاستاعى جەنە باليعاتقا تولماعان ازاماتتاردان كٷردەلٸ احۋال تۇراقتالعانشا مەشٸتكە بارماي, قۇلشىلىقتى ٷيدە ورىنداۋىن سۇرايمىز», - دەدٸ قازاقستان مۇسىلماندارى دٸني باسقارماسىنىڭ تٶراعاسى.
