قازاقستانداعى كارانتيندٸك شارالار ٶزٸنٸڭ وڭ نەتيجەسٸن بەردٸ. بۇل تۋرالى ونلاين باسپاسٶز مەسليحاتىندا قازاقستاننىڭ باس مەملەكەتتٸك سانيتارلىق دەرٸگەرٸ ايجان ەسماعامبەتوۆا مەلٸم ەتتٸ, دەپ حابارلايدى "ۇلت اقپارات".
«سوڭعى ەكٸ اپتادا ەلٸمٸز بويىنشا جاعداي تۇراقتالعانى كٶرٸنٸپ تۇر. اۋرۋعا شالدىعۋدىڭ ٶسٸمٸ 7 پايىزدان اسپايدى. ەگەر ناۋرىزدا ينفەكتسييانى جۇقتىرۋ بايلانىستا بولعان ادامدار مەن سىرتتان كەلگەندەر اراسىنان تٸركەلسە, سەۋٸردە پروفيلاكتيكالىق تەستٸلەۋگە كٶشتٸك. سەۋٸر ايىندا تٸركەلگەن بارلىق وقيعالاردىڭ 52 پايىزى نەمەسە 1862 جاعداي پروفيلاكتيكالىق تەستٸلەۋمەن بايلانىستى بولدى», - دەدٸ ا. ەسماعامبەتوۆا.
ونىڭ سٶزٸنە قاراعاندا, پروفيلاكتيكالىق تەستٸلەۋدٸڭ ماقساتى – ول جاسىرىن وشاقتاردى ايقىنداۋ. ەگەر وسى تەستٸلەۋ بولماسا, وندا ٸندەت جۇقتىرعاندارمەن بايلانىستا بولعاندار سانى ارتىپ, كوروناۆيرۋسقا شالدىققاندار سانى ٶسەر ەدٸ.
«پروفيلاكتيكالىق تەستٸلەۋ نەتيجەسٸ تيٸستٸ جۇمىستى جٷرگٸزۋدٸڭ ماڭىزدىلىعى مەن قاجەتٸن بايقاتىپ وتىر. جالپى, كارانتيندٸك شارالار ٶزٸنٸڭ نەتيجەسٸن بەردٸ. ەكٸ اپتانىڭ بارىسىندا تۇراقتى ەپيدەميولوگييالىق جاعدايدى تٸركەدٸك. كارانتين تالاپتارىن ساقتاۋ بويىنشا دەنساۋلىق ساقتاۋ مينيسترلٸگٸ نۇسقاۋلارىن ورىنداعان ەر قازاقستاندىققا العىس ايتقىم كەلەدٸ», - دەدٸ قازاقستاننىڭ باس مەملەكەتتٸك سانيتارلىق دەرٸگەرٸ.
