«بارىس» قۇرامىنا فين قاقپاشىسى قوسىلدى

ەلوردالىق «بارىس» فين قاقپاشىسى يوني ورتيومەن بٸر جىلدىق كەلٸسٸمشارتقا قول قويدى, دەپ حابارلايدى "ۇلت اقپارات" كوماندا سايتىنا سٸلتەمە جاساپ.

يوني ورتيو 2021 جىلدىڭ 30 سەۋٸرٸنە دەيٸن «بارىس» ساپىندا ويىن كٶرسەتەدٸ. ول بۇعان دەيٸن 2018/2019 جىلعى كەزەڭدە قۇرلىقتىق حوككەي ليگاسىندا رەسەيدٸڭ «ۆيتياز» (مەسكەۋ وبلىسى) كلۋبىندا قاقپاشى بولدى. سوڭعى ۋاقىتتا شۆەيتسارييانىڭ «تسيۋريح لايونس» كلۋبىندا 29 ويىنعا قاتىستى. 

يوني ورتيو 1991 جىلدىڭ 19 سەۋٸرٸندە فينلياندييانىڭ تۋركۋ قالاسىندا دٷنيەگە كەلگەن. ول فينلياندييا قۇراماسىنا تۇراقتى تٷردە شاقىرتۋ الىپ تۇرادى. سونداي-اق, ۇلتتىق حوككەي ليگاسىندا «كالگاري فلەيمس» كلۋبىندا 2014-2016 جىلداردا ويىن كٶرسەتٸپ قايتتى. 

بۇدان بۇرىن «بارىس» قۇرامىنا كانادالىق حوككەيشٸ قوسىلعان ەدٸ. سونداي-اق, قاقپاشى حەنريك كارلسون «بارىس» كومانداسىندا تاعى بٸر جىلعا قالاتىن بولدى.

شۆەد حوككەيشٸسٸ لينۋس ۆيدەلل «بارىسپەن» كەلٸسٸمشارتىن بٸر جىلعا ۇزارتتى.