Elordalyq «Barys» fin qaqpashysy Ioni Ortiomen bir jyldyq kelisimshartqa qol qoidy, dep habarlaidy "Ult aqparat" komanda saityna silteme jasap.
Ioni Ortio 2021 jyldyń 30 sáýirine deiin «Barys» sapynda oiyn kórsetedi. Ol buǵan deiin 2018/2019 jylǵy kezeńde qurlyqtyq hokkei ligasynda Reseidiń «Vitiaz» (Máskeý oblysy) klýbynda qaqpashy boldy. Sońǵy ýaqytta Shveitsariianyń «Tsiýrih Laions» klýbynda 29 oiynǵa qatysty.
Ioni Ortio 1991 jyldyń 19 sáýirinde Finliandiianyń Týrký qalasynda dúniege kelgen. Ol Finliandiia quramasyna turaqty túrde shaqyrtý alyp turady. Sondai-aq, Ulttyq hokkei ligasynda «Kalgari Fleims» klýbynda 2014-2016 jyldarda oiyn kórsetip qaitty.
Budan buryn «Barys» quramyna kanadalyq hokkeishi qosylǵan edi. Sondai-aq, qaqpashy Henrik Karlson «Barys» komandasynda taǵy bir jylǵa qalatyn boldy.
Shved hokkeishisi Linýs Videll «Baryspen» kelisimshartyn bir jylǵa uzartty.
