ەلوردالىق «بارىس» كومانداسىنا باس باپكەر قىزمەتٸنە قازاقستاندىق مامان يۋريي ميحايليس تاعايىندالدى, دەپ حابارلايدى "ۇلت اقپارات" كلۋبتىڭ سايتىنا سٸلتەمە جاساپ.
يۋ. ميحايليس 1969 جىلى 23 سەۋٸردە قاراعاندى قالاسىندا دٷنيەگە كەلگەن. حوككەيشٸ مانسابىندا قورعاۋشى مٸندەتٸن اتقاردى. 1992-2005 جىلداردا رەسەيدٸڭ «اۆتوموبيليست», «رۋبين», «يۋجنىي ۋرال», قازاقستاننىڭ «سترويتەل», «بولات», «قازاقمىس» كوماندالارىندا ويىن كٶرسەتتٸ.
2007 جىلدان بەرٸ باپكەرلٸك قىزمەتپەن اينالىسىپ كەلەدٸ. «بارىس» حوككەي كلۋبىنىڭ جٷيەسٸندە 13 جىلدان بەرٸ جۇمىس جاسايدى. «بارىس-2», «سنەجنىە بارسى», «نوماد» كوماندالارىندا باپكەر بولدى. 2017 جىلى ونىڭ جەتەشٸلٸگٸمەن «نوماد» قازاقستان چەمپيونى اتاندى. ال 2017/2018 جىلعى كەزەڭدە قۇرلىقتىق كۋبوك ويىندارىندا كٷمٸس جٷلدەگەر اتاندى. بىلتىر ول «نومادپەن» بٸرگە جوعارى حوككەي ليگاسىندا تۇساۋكەسەر ماۋسىمىن ٶتكٸزدٸ.
يۋريي ميحايليس ەرەسەكتەر, جاستار جەنە جاسٶسپٸرٸم قۇرامالارى باپكەرلەرٸ قاتارىندا ەلەم چەمپيوناتى, ۋنيۆەرسيادا (2017, 2019 جىلدارى) جەنە ازييا ويىندارىنا قاتىستى.
«جاڭا ماۋسىمدا «بارىس» باسشىلىعى قازاقستاندىق حوككەي تٷلەگٸنە سەنٸم ارتىپ وتىر. ول كوماندا جٷيەسٸندە 2007 جىلدان بەرٸ قىزمەت اتقارىپ كەلەدٸ. كوماندانىڭ العا قويعان ماقساتىمەن جاقسى تانىس. يۋ.ميحايليستٸڭ باپكەرلەر قۇرامى جاقىن ارادا جاساقتالادى», - دەپ مەلٸم ەتتٸ كوماندا باسشىلىعى.
ول «بارىس» تاريحىندا باس باپكەر قىزمەتٸن اتقارىپ وتىرعان 21 مامان بولىپ وتىر. كەلٸسٸم-شارت بٸر جىلعا جاسالدى.
