Elordalyq «Barys» komandasyna bas bapker qyzmetine qazaqstandyq maman Iýrii Mihailis taǵaiyndaldy, dep habarlaidy "Ult aqparat" klýbtyń saityna silteme jasap.
Iu. Mihailis 1969 jyly 23 sáýirde Qaraǵandy qalasynda dúniege kelgen. Hokkeishi mansabynda qorǵaýshy mindetin atqardy. 1992-2005 jyldarda Reseidiń «Avtomobilist», «Rýbin», «Iýjnyi Ýral», Qazaqstannyń «Stroitel», «Bolat», «Qazaqmys» komandalarynda oiyn kórsetti.
2007 jyldan beri bapkerlik qyzmetpen ainalysyp keledi. «Barys» hokkei klýbynyń júiesinde 13 jyldan beri jumys jasaidy. «Barys-2», «Snejnye Barsy», «Nomad» komandalarynda bapker boldy. 2017 jyly onyń jeteshiligimen «Nomad» Qazaqstan chempiony atandy. Al 2017/2018 jylǵy kezeńde Qurlyqtyq kýbok oiyndarynda kúmis júldeger atandy. Byltyr ol «Nomadpen» birge Joǵary hokkei ligasynda tusaýkeser maýsymyn ótkizdi.
Iýrii Mihailis eresekter, jastar jáne jasóspirim quramalary bapkerleri qatarynda álem chempionaty, Ýniversiada (2017, 2019 jyldary) jáne Aziia oiyndaryna qatysty.
«Jańa maýsymda «Barys» basshylyǵy qazaqstandyq hokkei túlegine senim artyp otyr. Ol komanda júiesinde 2007 jyldan beri qyzmet atqaryp keledi. Komandanyń alǵa qoiǵan maqsatymen jaqsy tanys. Iu.Mihailistiń bapkerler quramy jaqyn arada jasaqtalady», - dep málim etti komanda basshylyǵy.
Ol «Barys» tarihynda bas bapker qyzmetin atqaryp otyrǵan 21 maman bolyp otyr. Kelisim-shart bir jylǵa jasaldy.
